TRUMP ATLING LAI, A TLIN LO AHCUN KA RIAN KA CHIAH BAK LAI

US President Donald Trump cu tukum thimnak ah teinak a hmu lo timi cu fiangtein theih dih asi. Culawng siloin a hnu bik Congress nih fehternak an tuah tiangah Donald Trump thimnak ah teinak ahmu lo i, Joe Biden hi teitu asi tiah fehternak an tuah. US phung le hram bangin Joe Biden cu aralaimi Ni 20 ah US President rian ttuan dingin biakamnak he luh asi cang lai.

Hi lio caan ah tthenkhat nih an ti vemi cu, January ni 20 hlan ah thil tampi aithleng nawng khomi asi i, Donald Trump zong nih US President apehzulh khawhmi asi tiah ruahchannak nganpi he thawngpang alanghtermi tampi an um. Kan theih dingmi cu Trump atanhtu thawngzamhtu hna nih Trump caah ruahchannak aummi khi an langhter in an thlah tawn.

Cu ve bantuk in Donald Trump ahuami le Joe Biden adirpi in attanhmi hna nih Joe Biden tthatnak or tlinnak an langhter i, Trump caah ruahchannak aum tilo tiah an langhter dih. Hi chungah tutiang sining ahcun Joe Biden US President attuan dingmi asi ko timi biachahnak an tuahmi chungin theih le hngalh khawh asi. Acung kan chim bangin January 20 khi Biden an luhnak Ni le caan cu asi ko.

No description available.

Hi konghe pehtlaiin US President Donald Trump cu a sung hrimhrim lo, Donald Trump nih US president cu attuan tthan lai tiah kanmah Laipa bak nih biakamnak he Trump atlin tthan a zumhnak kong cu a chim. Laipa bochanmi Saya Van Bawi Lian nih alung dongh lonak kong a chim. Atimi cu Nan Khuaruah Har Hlah. Donald Trump nih US President attuan Tthan lai.

Donald Trump nih US President attuan tthan lo asi ahcun keimah zong ka rian in kai din ve lai tiah a chim. Cun a peh rih mi cu Donald Trump apeh lainak aruang cu thil tha tuah aduk mi pa asi i, keimah zong nih Donald Trump anunning le a ziaza hi ka tleih peng mi asi. Trump nih aton mi vialte hna hi keimah zong nih ka ton vemi bak asi ko. Hiti ka vun ti tikah US president ka si tinak cu a si lo tiah fianternak atuah chih.

Tutan ah hi konghe pehtlaiin Saya Van Bawi Lian nih attialning tein kan vun langhter tthan. NAN KHUARUAH HAR HLAH. Donald Trump nih US President a ttuan tthan lai. Atuan lo ahcun? kei zong ka rian in kai din ve lai. Aruang? thil tha a duhtuk mi pa asi ti ka hmuh, a nun ka tleih tleng. Aton mi thil vialte a tong ve mi pa ka si. US President ka si tinak asi lo hi mu tiah Van Bawi Lian nih alanghter.

Be the first to comment

Leave a Reply

Your email address will not be published.


*