TONZAANG PENG CIKHA AH RUAH LOPI IN MI 100 HRAWNG AN ZAW

Cikha ah Minung 100 Hrawng Thaw Dawp-Chuah Har in Ruah Lo piin an Zaw Hna.Chin ramkulh, Tonzaang peng, Cikha khua ah minung 100 hrawng cu COVID-19 zawtnak bantuk in thaw dawp-chuah i harh in an um hna i sizung ah an chiah hna.Ruah lo piin mizaw 100 hrawng voi khatte ah an um tik ah thlopbultu sii saya/sayamate le thli dawpnak oxygen dur tibantuk lakhruak in bawmh an herh ngaingai.Zei bantuk zawtnak in an zawt hna timi fiang in an thei rih lo. Credit:The Chin Journal

May be an image of indoor

Thawngpang Dang.Ralhrang kawlralkap thiltuah an luan chin lengmang ko, Ralhrang nak hmanh in an sual deuh cang. Kanpoh lakphak dawr ah a thu mi minung 4 cu ralhrang kawl ralkap nih an vuak hna lawng siloin an tlaih rih hna. Tanintayi region Ye Pyu peng Maw Ci khua ah tuni May thla ni 26 chun nazi 12 hrawng ah eidin le lakphak an zuarnak dawr ah a thu mi khuami pa 4 hna cu ralkap hna nih an luh hnawh hna.

Ralhrang kawlralkap nih an luh hna hnu ah an vuak rih hna. Cu pin ah dawr chung um mi zuu le eidin hna cu hramhram in an lak I an I kalpi tiah khuami hna nih yangon hrambunh KTM thawngzamhnak ah an chim. Tlaih a tong minung pa 4 hna lak ah minung 3 cu Maw Kyi khuami an si I pakhat cu Zadi khua mi a si tiah thawngzamhnak nih alanghter.

Ralhrawng Kawl Ralkap nih dawr thil an fir mi pawl cu an tlaih mi minung 4 hna an put ter hna I an hnu lei in meithal in an zulh hna tiah theih asi. Tlaih a tong mi khuami 4 hna cu 2020 election lio ah me zung a rak hngak mi an si I tu zanlei nazi 3 tiang ah an 4 ning in khuabawi zung ah hri khih in an chiah hna tiah thawngzamhnak nih alanghter.

Be the first to comment

Leave a Reply

Your email address will not be published.


*