Tlangval Siang Thang Cu Tiva Kam Ag A Ruak In Char A Si

A Poi tuk ee Ngaihchiatnak thawng-Kawlrawn ah a ummi, Lai tampi nih khuasa in an umnak Hantawady khua ah Laipa Siang Thang kum (24) cu October 29,2020 ah a ruah in hmuh/char a si. Asinain tlangvaal Siang Thang hi zeiruang set ah dah a thih timi thawng fiang theih a si rih loh.Tlangvaal Siang Thang cu zingka in lo ah thawh i a kal. A tlun pah nga a sawh pah ti a si.

Ngah a tlaih/sawhnak tiva zong hi a ngan tukmi a si lo, ti fim te a si ko tiah thawng kan theih. Cu ka a kalnak tiva in cun a tlung ti lo i a nu le pa cu ti i an fapa a tlun ti lo tikah, an va kawl tikah atu bantukin tiva pawnga ruak in an hmuh hi a si.Tlangvaal Siang Thang cu zingka tein amah lawng in lo leiah a kalmi a si i a tlun pah a tu bantukin vanchiatnak a ton le a ruah in an hmuh hi a si.

Zeiruang ah dah a thih timi belte fiangfai tein theih khawh a si lo.Tlangvaal Siang Thang a thihnak kong he a u nu nih hitihin a ngaihchiatnak le sian lonak a langhter ve,“Ka ṭa zei ko hen kan ton, kaa lungsak kho hrim lo. Nu le pa u le nau, tu le fa dawt at hiam tukmi ka ṭa ka celh hrim lo ee. Inn le lo ngei lo bang u le nau ngei lo bang, nangmah te lawng in ram lakah zeitluk in dah na va tuar in mi te hmanh chim ta loin na liam a fak tuk e ka ṭa aw,” a ngaihchiatnak le sian lonak a langhter ve.

Atu bantukin mino te a si rihmi mual a kan liam taak hi cu sian a um hrimhrim lo. Chungkhar sa hlawh cingla rualchan caah zeitluk in dah a fah lai mu. Ngaihchiatnak a tongmi chungkhar u le nau sahlawh cingla rualchan Bawipa tu nih an ngaihchiatnak hnem hram ko hna seh!Chirhchan: Laicelebnews

Crd:

Be the first to comment

Leave a Reply

Your email address will not be published.


*