TLANGCUNG MI CAAH CUN VANTHAT NGAINGAI TI KHAWH ASI

Tlangmi caah vanchiatnak maw vanthatnak dah?Kawl nih “vainam a ratpi cu hmuh asi nain van tthatnak a ratpi kha hmuh asi lo” လှံထမ်းလာတာ မြင်ပြီး ကံထမ်းလာတာ မမြင်ရ timi phuntluk an ngei. Cu nih a chim duhmi cu a caan ah van chiatnak asi rua tiah kan ruatmi hna hi van tthatnak a phor tu an si tawn ti khi asi ko. Cu he pehtlai in chim ka duhmi cu 1 February ah Ralkap nih hramhram in uknak an lak tikah mi tampi kan lung a fak.

Cubelte thuk deuh van zoh ahcun Ralkap nih uknak a lak hi Tlangmi caah vanchiatnak a rak si dih rua lo in ka hmuh.Tlangmi nih federal uknak le miphun tluk rualnak kan duh tiah fak piin kan au. Nain kawl mipi hnakhaw chung a rak lut bal lo. Kawl mipi tam deuh nih Federal timi hi “Khawi Htwet Zii” ah an ruat zungzal.

Tlangcung Hriam Tlai Pawl Hna Nih Thla Khat Chung Cu Kawl Ralkap Kan Kap  Rih Lai Lo An Ti – Chin Miphun Tlangau

February 1 ah Ralkap nih anaa a lak. Tlangmi an rak kan hrem ton bantuk in Ralkap nih a hrem ve hna. Cu tikah Tlangmi nih zei ruangah Federal kan duh timi biatak tein an hung i fiang. Kan ramkhel harnak i a phi cu Federal democracy long asi ti an hung i fiang. Cucu Tlangmi kan saduhthah pakhat a tling kan ti khawh.

Kawl miphun tam deuh ruahnak ah Aung San Su Kyi (ASSK) le NLD long nih democracy ram a ser khawh ti asi. Nain nihin ah kawl miphun tam deuh nih Tlangmi tel loin democracy ram ser khawh asi lo ti biatak tein an hung i fiang. Cucu a dikmi ruahnak asi. A luang cia kum 70 renglo kan duhmi federal ram ser dingah Tlangmi nih kawl cozah sinah a nawl in nawl an si zungzal.

Hmurka in siseh, meithal in siseh thisen le nunnak tampi thap in Federal uknak le muphun tluk rualnak kan rak hal hna. Zei an rel lo. Ralkap anaa a lak bak in Federal Democracy a ua pi hmasa mi cu CRPH le Kawl mipi an si. A tu dirhmun ah Tlangmi nih Kawl kan herhmi hna nak in Kawl miphun nih Tlangmi an kan herh deuh ti khawh asi. Hi pawl hi hmailei Federal Democracy ram sernak ah a biapi tuk mi foundation pawl an si. Cucu Ralkap nih uknak a lak ruangah a chuakmi or a tlengmi Kawl mipi ruahnak ti khawh asi.Credit-Rual Lian Thang

Be the first to comment

Leave a Reply

Your email address will not be published.


*