Tlang Cung Mi Cu Hi Bak Hin A Kan Hlen Cik Cek

Kawl ram adik mi democracy kan hmuh hmasa hnu ah Federal kan ser kho lai or “NLD nih Ralkap uknak a doh i a tei hnu ah a dikmi Democracy kan hmu lai. Cu hnu ah tlangcungmi kan duhmi Federal a kan pek lai” timi hi tlangcungmi an kan hlenmi a si.A dikmi democracy ngah hnu lawng ah or ralkap 25% HLUTTAW ah an um lo hnu lawngah Federal kan khel lai, kan in pek lai ti a si caah, ralkap 25 % HLUTTAW in an dawi khawh hna lo ahcun kumkhua in Federal kong cu an tuahtan ti lai lo tinak asi hnga.

“NLD nih Ralkap 25 % HLUTTAW chung an um chung cu adikmi democracy a si lo ruangah Federal kan in serpi kho lo an ti, ralkap nih hrimtlai phu a um chung cu HLUTTAW chung kan um peng lai an ti, Hriamtlai phu nih Federal kan ngah hlan lo hriam kan tlai rih ko lai an ti” cu tikah zeitihmanh a dikmi democraacy le Federal cu kan ngah kho lai lo. Peace zong kan ngah kho lai lo. Kawlmi nih tlangcung mi cu an kan ukpeng ko lai.

Federal le Democracy hi hmunkhat tein khel khawh, kalpi khawh asi ko. Democracy khel hmasa loin Federal ram serkhawh asi ko. Australia ram an rak dirh lio hi mahte aa ukmi ram pa 6 nih Federal ramkomh (Australia) an ser lio ah Federal kha an ser hmasa i democracy phun in ramkomh cu ser asi.A ngaingai ti ahcun Federal hi khel hmasa ahcun, tlangcung hriamtlai pawl nih daihnak an tuah lia/ hriam an chia lai or ram a dai lai. Ralkap zong Hluttaw in an chuah ve lai i a dikmi democracy kan ngah kho lai. Cu ruangah tlangcung mi kan duhmi Federal hi NLD nih an kan khelpi hmasa sehlaw ramchung daihnak kan hmukho lai.

Acozah nih Federal ram a kan serpi i tlangcung hriamtlai phu zong nih peace agreement lakin kawl ram daihnak a um cang ko bu in ralkap nih HLUTTAW chungin an chuah duhlo ahcun phundang in tawlrel ding asi lai. Cucu ralkap palh or ralkap responsibility asi cang lai.
A taktak ahcun NLD nih TAUNGPYO KANGPYO a tei lio hmanh ah phunhrampi zong a remh kho lo, ralkap 25% zong a donhter kho lo, a dikmi democracy zong a ser kho lo, Federal zong a ser kho lo timi cu mi vialte nih theih a si ko.

Crd: Pahmun

Be the first to comment

Leave a Reply

Your email address will not be published.


*