Thil Mak Tak Tak Pakhat

Thil mak ngai pakhatPathian a zum i, Khrihfa a simi Laimi nih Daw Aung San Suu Kyi kan zumh khawh lo i, a thang hna kan chiat rihmi hi thil mak ngai pakhat ah ka chiah. Pathian kan zumhning hmanh aa pahmi a um len phah kho men lai dah. Mah ti ka ti tikah faak tukin a piangtharmi cheukhat nih Aun San Suu Kyi Bawi Jesuh he na tahchunh hrimhrim an ka ti ve tawn. Ka tahchunh hna bia a si loh.

A umtu ning le a muisam aa lo ka ti bia a si. Nan duh le ka ti fawn ko u.Pathian zumtu kan sinak le Khrihfa kan sinak a muru taktak cu, dinnak pakhat hmanh a tuah kho lomi minung kha Pathian nih a kan dawt i, vancung pennak chung kan luh khawh venak dingah a mahtu nih thangchiatnak le mualphohnak vialte a phorh hnuah a nunnak tiang a peek beh timi zumhnak te kha a si ko.

Ralkap cozah nih kum tampi chung an uk cangmi Kawlram kha democracy ram si kho ve seh tiah, 1988 in nihin ni tiang harnak a phunphun tuar in thangchiatnak le mualphohnak a phunphun a phortu Daw Aung San Suu Kyi khi Kawlmi nih an zumh duh lo hmanh ah Laimi nihcun kan zumh tuk ding a si ko.

Crd:Perhkalh

Note : Ca bia na rel dih hin zei tin dah na ruah ve? NLD tanh ruang ah a ttial mi zong si kho ko nain, fak deuh vun ruah than cun a dik ngai in ka hmuh.

Be the first to comment

Leave a Reply

Your email address will not be published.


*