MAH DUM HAU IN A CHUAKMI HNA IN LUNG ZAWTNAK ADAMTER

Theihtlei:Lung zawtnak hi zeitindah kan i theih khawh lai? Lung zawtnak (Heart Disease) cu zeitin kan tuah ahdah atthat lai timi tlawmpal kan vun langhter. Lung zawtnak hi Cardiovascula disease tiah kawh auh zong asi. Lung zawtnak a umnak aruang bik cu Lung nih thisen ahmuh dingmi zatnak in tlawmdeuh ahmuh caah asi.Lung nih aharhmi thisen tlamtling in a hmuh lo caah Lung riantuannak hi atthatter lo caah Lung zawtnak achuahnak bik cu asi tiah an chim.

Lung zawtnak ka ngei tiah aa timi hna nih Sibawi ruahnak hal loin mah pumpak ruahnak in Sii ai din hi attha lo ngaingai mi asi. Cun mah ruahnak in sii dinmi nih Lung kha a hrawhter deuh caah ruahnak in sii din lo ding.Lung zawtnak hi adam ahar ngaingai mi pakhat asi ve. Sii ai nih adamh khawh tilomi cu operation tiang tuah ahau. Operation an tuahmi hna zong hi tlamtlinnak taktak hi minung tam deuh nih cun an hmu kho tawn lo. Cun tthenkhat le bang cu seh thilri pakhat asimi PACEMAKER tiang in an chiahpiak mi hna zong an um.Zeitindah Lung zawtnak cu kan i theih khawh lai? Lung zawtnak i theih khawhnak cu,

Pakhatnak ah Taksa aba tawn. Pahnihnak ah Ttang ah siseh kut hna in fahnak a chuak tawn. Pathumnak ah Keh lei kan Dar le Khabe hrawnghrang ah fahnak a chuak tawn. Palinak Thawchuah ahar i, Kutpar le Kepar a kik cun Lu fah ngaingai siloin Lu hei in um, Khuasik saisem achuak tawn. Pangaknak ah Khuaruahnak thatein a um kho lo i, hnatheihnak a fiang lo tawn. Paruknak ah Lungtur attha lo i, chikkhat te ah Lau a fawi tawn. Pasarihnak ah thilpakhat khat thawngtheih paoh ah khuaruahhar in um colh. Hi hna hi Lung zawtnak i theih khawh ning asi. Acunglei langhtermi bangin um ahcun sibawi sin ah i piah colh ding.

Lung zawtnak cu zeitindah kan i kham khawh lai? Lung zawtnak damhnak caah attha bik tiah an ruahmi cu Ka-awm (Corn, Maize) hi asi. Ka-awm a chawn/sam 30gram le Ti athiangmi Litre 1 chumh, Cucu zingzan in dinpiak ah cun Lung caah attha taktak mi asi i, tampi lung atthatter. Hihi a lum in siseh akik zong in din khawh asi. Ka-awm/ Fangvui hi a kung siseh ahnah siseh amah a ka-awm chumhnak i a haang zong hi a ttha tiah an langhter. Asinain a chawn/asam khi attha bik tiah an ti. Atanglei pawl zong hi Lung zawtnak caah attha ngaingai mi hna an si.

Vankhawng hi attha. Nifatin vankhawng 7 lengmang rial i, ahang dinpiak ah a ttha.Vankhawng nih hin thisen kalnak athatter i Lung ah thisen apetu caah bawmtu ttha ngaimi asi. Cun rial lo zongin rawl he eipiak chih lengmang zong hi attha.Cun Hmathak thakpi timi athak lomi acarmi amu khi attha. Amu kha phomh i, Ti thianghe cawh in dinpiak zong a ttha rih. Cun Khaa-hawk zong khi attha.Khaa-hawk a hmin cangmi amu kha rial or phomh i Ti he cawh hnu ah dinpiak ding. Cun Kawpi pankawpi timi zong a hel in ei piak ah attha. Cun Broccoli zong a hring in eipiak lengmang ah attha fawn. Cun Zil zong hi attha. Acunglei langhter mi hna hi Lung zawtnak damnak caah attha ngaingai mi an si.

Be the first to comment

Leave a Reply

Your email address will not be published.


*