THEIHTERNAK RALHRANG KAWLRALKAP PAWL AN TUAH HNA

Falam Pathian riantuantu hna nih ralhrang pawl theihternak an tuah cang hna. Tulio dirhmun kawlram buainak ah mipi hna cu harsatnak dirhmun in luat hram hna seh tiah thla kan cam hmasa. Falam peng Taal khua pawngah raltukdohnak a chuak i, kap hnih in atuarmi nan um ti kan theih. Ram buainak cu ram buainak bangin kalpi ding asinain asi khawh lo caah kahdohnak a chuahnak zong hi a si tiah kan hmuh.

Kahdohnak a linhsat ruangah August zarhnihnak ah ralkap hna cu Taal khua ah um hmun nan khuar i, mipi hna cu khuachung ah um ngam loin an zam. Taal khua nan um chungah zumtu hna nih biapi ah kan chiahmi le hmunthiang Biakinn chungah nan duhning paoh in nan um. Nan ei nan ding, thianhlimhta loin nan hmawmhtamh dih pin ah Bible le thangthatnak hla cauk zong nan hlawnh mi hna hi cu kan in mawhchiattuk hna.

Cu nan hnawmhtamhmi Biakinn thiang cu kan thianh ahau. Biakinn Thiang hnawmhtamhter Biakinn cu ral hmunhma ah nan hman mi hi ram buainak nakin buainak thuk deuh a chuahter khotu asi. Cucaah Biakinn thiang le Biaknak thilri pawl tiabantuk hna ah hin um hmun khuarnak le raldohnak hmun ah hmang ti hlah uh tiah theihternak an tuah hna. Atang ah tlamtling tein relchih khawh asi.

Cabia dang: Kachin ramkulh, Hpakant peng ah Police bawi pakhat cu Meithal in an kah i a hmun ah a nunnak a liam tiah Khit Thit Media nih a langhter. Meithal Zuun (5) in an kah i a hmun bak ah a nunnak a liam, a dang police pawl cu an zam dih ti tiah Kachin News pakhat nih a langhter ve. Hpakant peng, Lungkhin timi zawn ah a si. August 19, 2021 zaanlei suimilam 5:00PM hrawng ah an kah i a nunnak a liam hi a si tiah an langhter ning cu asi.

Zaan lei ah an kah mi Police bawipa hi Hpakant peng, Lungkhin khuate, Yekung hrawng a uktu a si i a min ah Win Myint a si tiah khua mi nih an chim. Meithal in a kap tu hna hi mizei an si theih a si lo. Kachin ramkulh hi tutan ah ralkap dohnak a fah ngai nak a si. Cun a bik in Hpakant peng chung in nitin te ralkap duh lonak a langhter mi, sandah a piah zungzal mi an si hna.

Be the first to comment

Leave a Reply

Your email address will not be published.


*