The Hakha Post Rian In A Din Mi Pu Lal Lawmpuia Kongah The Hakha Post Nih Fianter Nak An Vun Tuah Ve

The Hakha Post riantuantu sinak in Lalawmpuia aa dinhnak kong fianternak
The Hakha Post rian in Lalawmpuia a chuahnak kong ah a tanglei bantuk in zapi sin theihternak kan hun tuah.Pakhatnak. The Hakha Post cu 2012 January thla ah B. H. Van Or, Lalawmpuia le Rollin Chan Lian hna nih Hakha Dawrthar sang, Rollin Chan Lian inn ah thlacamnak he ni khat te ah le hmun khat te ah an rak dirh mi a si.

Asinain Lalawmpuia nih amah lawng dirh mi in aa chim tawn hlei ah ramchung ram leng hmun tampi ah a chim lengmang ca ah, a riantuan hawi nih “Ka” ti mi biafang hmang lo in, “Kan” ti in hman ding in kan chimh lengmang nain a thin hlei lo, nihin ni tiang a chim lengmang rih.Pahnihnak. The Hakha Post cu phungphai le ningcang a ngei i media zulhphung aa tlaih mi tualchung media pakhat a si.

Thawngzamh ca le digital media platform in zapi sin ah si khawh tawk chuah in ni fatin thawng a thanh. The Hakha Post Facebook page cu ramchung ramleeng careltu 70,000 leeng nih rel mi a si ca ah riantuantu zong nih careltu upatnak he biapi ngai ah kan chiah mi a si.Pathumnak. Lalawmpuia nih The Hakha Post facebook page ah ningcang lo in amah pumpaak video le hmanthlak aa taar pah tawn mi cu careltu tampi nih nan rak hmuh cio cang mi a si. Zei media hmanh nih online cahmai ah pumpaak hmanthlak an taar bal lo i taar phung zong a si lo ca ah video le hmanthlak a taar mi cu zung lei in kan hnawhpiak (delete) than tawn.

Palinak. Australia a tlawn chung ah Photo News ti mi tlangtaar in amah le a tufa ngakchia panga hmanthlak pasarih cu 2020 May 15 ah a taar than. Atu bantuk in pumpaak kong aa taar hi voi khatnak lawng a si ti lo ca ah, “Kan page hi pumpaak i post nak ah cun hman ding a si lai lo. Mahle timeline cio ah taar ding a si ko,” tiah Manager rian a tlai lio mi Pu Za Biak Thawng nih staff pawl biaruahnak group chat ah ca a tial.

(A tanglei Group Chat screenshot ah biaruahnak tling tein rel khawh a si.) Pa Pui nih aa fahsak ca ah a cung ah a lung a tling lo.Panganak. May 20 ah Pa Pui nih, “The Hakha Post CEO sinak, Board of Director Chungtel sinak, A dirhtu sinak le a ngeitu sinak in dinhnak ca a tial i staff dihlak le a ngeitu nupi le phawt dih ding in a tialchih.Paruknak. Chuahnak ca a tial mi cu cahmai 10 a si i a biapi in a langhter mi cu, Manager Za Biak Thawng nih ka dirhmun a ka cuh … ti in pumpaak a rak remlonak le sualpuhnak 30 a tial. (Cu ca a tial mi cu a dik lo mi le sualpuhnak sawhsawh a si ca BOD meeting nih a cohlang lo.)

Pasarih. CEO Pa Pui nih chuahnak ca a tial mi kong he pehtlai in May 23 ah Board of Director meeting nih a ceih than tik ah: (1)“The Hakha Post ah CEO Lalawmpuia nih a riantuan hawi cung ah a lungtlinlonak le a rian aa hneek khawh ti lo nak thil zeimawzat a langhter mi hna hi, ‘Hi tiang a chuak ding hin kan ruah mi an si lo,’ ca ah, a rak tlun tik ah amah he BOD meeting kan ngeih hnu lawng ah biachahnak kan tuah te lai tiah kan lung a tling; (2) Lalawmpuia nih a kan kuat mi Email cathluan hi zung staff dihlak copy pakhat cio pek hnu ah rel ding a ti mi hi, staff a tam deuh cu mithar lawngte an si ca ah, cuhna theih le hngalh ding a herh lo tiin kan ruah ca ah kan print dih ko nain pek rih hna lo ding ah kan lung a tling; (3) The Hakha Post nih a ngeih mi phunghram chung ah pumpak in rian i chawn/kianh khawhnak kha a um lo ca ah amah pumpak tel in BOD nih thim caan a chuah tik ah ceih si te ko seh tiah kan lung a tling, tiah biakhiahnak pathum a tuah hnu ah Lalawmpuia sin ah kuat than a si.

Pariatnak. BOD meeting biachahnak a lungtlin lo nak tampi a tial i; “A sawhsawh in thil a tuah tiah nan ruah rua. Kei cu na ka hngalh ko khah. Ka ruah i ka tuah mi cu hawi tuah mi he aa lo lo. Tuah ning ka ti mi cu ka tuah bak. Za seh ka ti mi cu a za ka ti ko” tiah Editor-in-Chief sinah ca a rak tial than.Pakuanak. Dinhnak ca a tial mi kong ah BOD nih remthatnak khua a khan lengmang ko nain a duh lo. Chief Editor B. H. Van sin ah atu le atu rian hnolhnak le a rian in dinhnak ca staff dihlak sin phawt ding in a hneekchih lengmang. BOD nih ca an in phawt hna lo ahcun keimah nih tuanvo ka laak lai tiah staff group ah ca a tial ca ah chuahnak ca cu July 19 ah phawt a si.

Pahranak. July 20 ah Lalawmpuia chuahnak ca cu BOD a ceih hnu ah a fehter i amah nih aa hauh mi reporter rian zong pek a si. Asinain a hnu ahcun a cohlang than lo.(BOD meeting record kan thilchih)11. Hakha a phanh hnu ah, The Hakha Post zung ah aa dinhnak kong he pehtlai in; staff dihlak, caphawtu dihlak, Laica ruahnak petu, The Hakha Post Sihni, Tualchung media pawl, a ngeitu chungkhar pawl, a chungkhar le a unau pawl ruaih in chimnak ka ngei lai tiah Editor-in-Chief sin ah a hal nain; remthat duhnak siloin The Hakha Post hrawhhral a duh mi a si ca le The Hakha Post riantuantu a si ti lo ca ah BOD nih kan hnon.

12. The Hakha Post a riantuan hawi nih Lalawmpuia phuahnak le cuhnak pakhat hmanh a um lo i amah tein a chuak mi a si tiah zapi sin theihternak kan hun tuah.

Board of Directors
The Hakha Post
2020 September 28

Crd The Hakha Post

Be the first to comment

Leave a Reply

Your email address will not be published.


*