THAWNGTTHA TEDIM PA A DAM KO AMAH DR PA NIH A CHIM CANG

Goodnews Tedim ah Coronavirus ngeimi pa a dam ko.Kawlram Thawngzamh pawl nih a thi cang an ti lenmi coronavirus ngeimi Tedim pa cu a dam ko tiah theih a si.Mi tampi nih an thih ter nain Myanmar Now nih thawng dik an phuan a thi lo a dam ko an ti.

Mah Tedim pa cu March 13 ah US in Kawlram a phan Coronavirus zawtnak a ngeih caah March 23 ah Tedim Khuapi Siizungpi ah chiah a si.Cucu a thi cang tiah thawng dik lo an chim len nain amah mizaw pa a zohkhenhtu Siibawi Kyaw Yin Lin nih nihin ah Myanmar Now sin ah fiang tein a chim.

A dam ko thinphan ding si lo a ti. Amah lawng Siizung vuang chung saktharmi inn ah ka zoh, mi zeihmanh luh le zohkhenh ka duh lo Uniform tha tein kaa hruk i ka zoh a dam ko tiah a chim.crd. myanmar now. Tluangceu Thang.

Relchih.Laitlang a hung phak ve.Hrik kai hnuah lang colh loin ni zeimaw hnuah (symptom) a lang i cu a langh hlanah mi a rak chonh khawh duahmah len cangmi hi a poi khun. Cucaah lau tuk awk asi lo nain a hlei in i ven thiam cu a ṭha.Lai miphun cu “collectivist society” kan si. Nitlakram bantuk “individualistic society” kan si lo Cucaah nitlakram hmanh “lockdown” an i tuah cun Laimi cu a hlei in ivennak tuaktan kan hau.

Thapeknak le hnangamnak lei bia deuh khi tam deuhpi Laimi lakah leng deuh sehlaw tih-launak lei cu tlawm deuh kho seh law a ṭha ngai.Nawlngeitu le Acozah bia ngaih cu Pathian nih a kan fial i a kan duhpimi asi caah Khrihfa nih cun a bikin nawlngeitu lei an chimmi hi cu kan upat le kan zulh cio dih hi a ṭha ngai.Mirang nih “prevention is better than cure” an ti. Tutan zawtnak kongah “mi dang himnak caah nangmah i veng” ti bia a lar ngai. Kanmah thlahdah ruangah midang nih poipang an ton sual lo khi a biapi ngai. Credit:Salai Vanlianthang