THAWNGPANG TTHATUK A CHUAK CANG CHIN RALZAM CAAH

Australia Ah Chin Ralzam Anphan Than Cang. WA Humanitarian Settlement Program Sector Forum cu Perth Satate Library Theatre ah Australia cozah nawlngeitu hna, Australia ralzam zohkhenh tuhna phu vialte le community upa hna he meeting tuah nak kan ngei. Western Australia Perth Khua ah Chin ralzam pawl dam tein an phan than cang.

Cozah le nawl ngeitu hna nih ni (14 ) chung hmun dang te ah an chiah hna. Australia cozah ngandam nak lei nawl ngei tu hna nih Covid-19 zawt nak tlamtling tein zohfel nak an tuah dih hnu hna lawng ah mipi , chungkhar le community hna nih ton khawh asi lai tiah cozah lei nawlngeitu hna nih an chim.A tu a rak phan mi hna hi UNHCR nih rianrang tein ramthum nak ah kal a herh timi pawl cu IOM nih kal um nak ah an tawlrel piak mi hna pawl long aphan mi hi an si.

Australia Priminister pa nih keimah le ka Party nih kan hmuh than ah cun Kawlram ralzam pawl kumthum chung pehzulh tein kan lak hna lai tiah bia a kan kamh mi cu pehzulh ding ah Chin miphun akan dawt tu le akan bawmchan tu Senator Dean Smith le Australia ramkulh um Australia Chin Federation upa pawl nih ralzam pawl kong ah Australia Priminister pa le ralzam kong ah nawlngeitu hna cu ton than ding ah timhtuahnak nganpi kan ngei. Credit: Renny Ceu L Mang

Mah Le Tuanbia Dirkamh Usih, 1. Kawl miphun nih zeiti hmanh in an tuanbia thlau an duh lo. Cucaah, sianginn kip ah Kawl siangpahrang hna an tuanbia le an miphun an lianngannak cu an kan cawnter. Kawl tuanbia kan cawn tikah an miphun an dirkamhnak, ral an teinak, an biaknak an sunghsaknak le an nunphung an kan cawnter. Hihi Kawl nih miphun pakhat an si nakin an miphun an dirkamh mi le an nunphung an kilven le thanchoter an duh ca ah a si.

Pahnihnak. Boyoke Aung San cu Myanmar ram luatnak lakpiak tu, miphun dang uknak duh lo in Kawl mi zalonnak ca ah hriam a tlaitu a si. Kawl miphun dihlak nih Boyoke i a miphun a dirkamhnak le aa zuamnak cu an philh lai lo i ah tuanbia ah an thlau lai lo. Miraang chan ah Kawl in riansang, uktu tampi an um ko. Asinain, miraang kuttang ah miraang nih tuah uh, ti uh timi fialchuk fialcho in rian a tuantu an si ca ah cu pawl kong cu Kawl miphun nih an miphun dirkamhtu le philh lo ding mi ah an chia hna lo i an tuanbia an kilvenpiak hna lai lo.

Pathumnak. NLD hruaitu Daw Aung San Suu Kyi hrim nih a pa sunparnak le a pa tuanbia cu a dirkamh zungzal lai. Miphun ca ah aa peknak lawng si lo in a pa a sinak le a thisa a sinak in a pa tuanbia a hmun camcim nakhnga aa zuam zungzal lai. Amah zong a thih tikah a tuanbia tlau lo nak ding ah ro chiahta ding aa zuam lai. Cucu miphun lungput pical le mah tuanbia ven a si.

Palinak. Kanmah Chin miphun nih Kawl mi sin in i cawn awk tampi kan ngei. Zeitluk in kan caholh, kan nunphung le kan tuanbia kan upat i hngalh kan i zuam. Kan tuanbia a thar in kan theih than i kan miphun kilvennak ca ah zeitindah kan i zuam lai. Kan miphun tuanbia, kan nunphung le kan miphung sinak cu miphun dang nih an kan tialpiak lai lo, kilvenpiak lai lo i an thanchoter fawn lai lo.

Panganak. Daw Aung San Suu Kyi le Kawl nih a pa an dirkamh bantuk in kanmah Chin miphun nih tah kan pa le chung in tuanbia roling a kan tialpiak tu hna zeitindah an tuanbia kan dirkamh ve. Pu Khai Kam a tu le a fa le nih a pa tuanbia roling hi a chanchung kan hngalh nakding ah zeitluk in an dirkamh. Kanmah Chin miphun nih ta zeitluk in kan tuanbia kan i sunhlawih. Cu ve bantuk in Pu Lal Luai, Pu Con Bik, Pu Hrang Nawl, Pu Kio Mang, Pu Thawng Za Khup, Pu Thlur Hmung tbk kan miphun aiawh in rian an tuan mi an tulefa nih kan dirkamh hna maw? Miphun ca ah pum an i pek ning zeitindah an tufa le nih kan dirkamh, kan sunhlawi. Chin miphun nih tah an tuanbia zeitindah kan hngalh in kan dirhkamh hna.

Paruknak. Chin miphun in kan pu pa miraltha le miphun ca ah thih ngamh in a rak dirkamh mi an tam tuk. Cu kan pa le miraltha hna an tuanbia dirkamh ding ah le an chiah ta mi ro, ralthat nak, miphun dirkamhnak, zumhtlak an sinak hi a tu fa le nih zeitin kan hmuh hna. Pasarihnak. Kan pupa nih miphun an dirkamhnak, nun pek in miphun ca ah tuanbia roling an tialnak hi an tu fa nih kan dirkamh a herh. Miphun an dawtnak ro kan nunter a herh. Kan cawisan in a hmun mi tuanbia ah kan dirkamh a herh.

Pariatnak. Aho miphun dang hmanh nih kan pu pa tuanbia, kan pupa hna chiahtak mi ro hi an kan cawisanpiak in an kan dirkamhpiak lai lo. Hi dirkamh ding hi Chin miphun nih, an tufa hna le techin hna nih tuanvo kan ngei. Pakuanak. Kawl miphun nih Kawl an dirkamh i NLD ah an i fun bantuk in Chin miphun zong nih kan Chin tuanbia, kan pupa hna an kan rohtak mi tuanbia le kan miphun limhaang, hmelchunh le nunphung dirkamh in CNLD ah i fun ve hna usih.

Pahranak. Kan ram khel hi miphun dirkamh i zuamnak a si. Kawl nih Kawl, Shan nih Shan, Rakhine nih Rakhine le Chin nih Chin dirkamh a herh. Chin miphun dirkamhnak ca ah CNLD thimfung thla cio hram hna usih. Hleikhatnak. Panglong biahrennak thawng in Myanmar ram ah kan i fonh. Kan i fonhnak a ruang cu mahte in uknak nawl kan ngei lai timi hnatlaknak ruang ah a si. Chin nih Chin kan uk lai timi biakamnak ruang ah a si. Panglong hnatlaknak bantuk in Chin nih Chin kan ngeih nakhnga Chin miphun nih Chin Party CNLD thim hram ko hna usih. Credit: CNLD Thantlang- Hakha

Be the first to comment

Leave a Reply

Your email address will not be published.


*