THAWNGPANG TTHA FARKAWN KHUA AH A UMMI RALZAAM HNA CU

Mizoram, Farkawn khua ah raalzaam pawl sianginn kainak an tuahpiak hna, Primary ah 70, Middle ah 29, High school ah 12 an si. Taang 10 a kai ding pawl test an ngeihter hma sa hna Ni siangngakchia nu pakhat cu a thiam hlei i cachimtu pawl zong nih hibantuk ca thiam hi kan hmu bal hna lo an ti. Mizoram Edu minister zong aa lawm.

Khuadang zongah an um rih lai၊ rak hlat hna ulaw rak bawm hna uh a ti…an umnak khuabawi le rianttuantu upa hna nih an zohkhenh ning hna a ttha,..Pathian cu thangtthat u sih…an cacawnnak ah Bawipa nih hruai ko hna seh.A zohkhenhtu upa hna, ca chimtu hna thla rak campi cio hna uh. Aizawl lei zong lungthli cun timhtuahnak kan ngei. lockdown cu si kaw kan cawl kho rih lo. Pathian sinah thla rak kan campi ve uh. Credit: Vapual Thawng

Farkawn, Mizoram, India - Across Asia

Pu Tin Duh Thang Cabia: Lung A Rak Fiim Hlan Kha Na Khuaruah An Harter Hna Maw? Miphun dang milem bia hna nih a kan hlen caah 1948 in a tutiang a kan uk caah kan miphun zeimawzat lebang nih cun phung bantuk ah a ruat cang mi zong kan um len cang hna i,hranhram in an kan ti zongah phung pakhat bantuk i kan ingeih cang hna caah i fahsak awk kan thei lo,a siding mi a si mi ah ruahnak a ngei mi ah kan can cang caah kan miphun dawtnak thinlung a thihter. Kan pupa hna nih kan mah te in uknak laak i kalpi ding ah khan Cite liah ding khawika in dah kan laak lai hei tibantuk kha an ruahnak ah a rak um i,thuukpi in khuaruah khawhnak an rak ngei kho hna lo.An mawh lo,cawnnak le theih mi an rak ngeih tlawm ve caah a si ti hi kan hei ruah cio mi a si ko lai dah ka ti.

Cuticun ralkap uknak tangah kan um peng i ralkap uknak tang ah hin kum 61 tluk kan umcang,a caan a sautuk cang. Cucaah kan miphun nungak le khua nu khuapa hna zong nih ralkap pawl kan khua i an rat tik ah kan tuah ding hrimhrim bantuk in ruahnak kan ngeih cang caah kan Laithuam dawh taktak he kan nungak pawl hna cu kan dawnter hna pinah ralkap pawl cu Laithuam hna cu an hngawng ah kan awihter hna. Ralkap cu ram pakhat le pakhat karlak buainak a um sual caan le ram chung cozah doh in ral a tho mi hna hriamtlai phu pawl kha a kaap doh ding khi an si. Ralkap angki i hruk bu in rampi pakhat a si mi uknak a hruai ding hrimhrim an si lo i,rampi zung kip ah a thu ding zong an si lo i,mipi kha kan him khawhnak dingah a kan vengtu ding le ram a vengtu ding ceo khi an si.

A liam cia mi kan caan kha hei ruat tthan hmanh uh,kan duhnalo in a kan uk mi ralkap kan hei uar hna ning le a hlei in kan nungak pawl cheukhat lebang nih cun ralkap bawi he hawikawm si le a nupi si hna kha kan i uanpi ngaingai hna khah. Cun,pa pawl zong kan si ko khah,ralkap bawi pakhat he maw sen a ngei men mi pakhat he maw hawikawm na si ah khan na miphun hawi sinah na hmai a hngal ngai kha mu!Kan miphun a kan tthek i hloh dih a kan timtu ralkap pawl kha,ziah ralhrang kan ti hna?

Ralhrang nih cun ram mipi zawnruahnak ngei hlenglo in an mah nih ttha an tining le an caah hlawknak lawng an kalpi i ram mipi kha lungfaak le ngaihchia in an hrem hna i an thil an chuh hna pinah an thah rih hna,cuhna pawl cu ralhrang ti an si i,a tu ah hin ,”Min AUng Hlaing le a lungrualpi mi Police le ralkap pawl kha “Ralhrang kan ticangnak hna cu a si ko. Note:Ka miphun hna hi ralhrang pawl hi na upat ko rih hna lai maw?hawikawm ahcun nai ser ko rih hna lai i,pasal tiang cun maw kan miphun hna nih hin kan ngeih ko rih hna lai?Sakhi khi a fahnak te in kahlo ahcun a thi kho lo,cubantuk in ka cattial tawn mi hi a hma fahnak te i kan khen mi hna nan um sual tawn i,cucu thinhun in nan um tawn hna i cucu miphun dawtnak le zawnruahnak nan ngeihlo le kan ngeihlo caah a si ti kha a fiannak pakhat a si.Hi Ralhrang hna cu kan Laithuam cun kan dong ti hna lai maw, choi vbiar in dah kan kah cang hna lai? Catialtu: Pu Tin Duh Thang

Be the first to comment

Leave a Reply

Your email address will not be published.


*