THAWNGPANG THAR:CNF/A LE KAWLRALKAP AN I TONG LAI

CNF/A le Ralkap an i tong lai. Ralkap lei in Duh-Tainghmu hruai mi hna le CNF/A upa hna March 10 ah an i tong lai, tiah kan theih. Atu hi anmah Ralkap cu an ra lio. Camp ahcun a si lai lo. Khoika kan i ton lai a fiang rih lo. I ton ding hi Hakha ah an rak ti nain anmah tu an rak ra. Zeibantuk kan ceih lai i anmah Ralkap lei nih zei an chim lai cu kan hngal lo.

CNF To Continue on NCA Path | Burma News International

Asinain kanmah lei nih cun, dai tein CDM a tuah mi hnahnawh lo ding, sakhaan ah hren mi a rannak in chuah ding. Tlaihkhih le hrem tibantuk tuah lo ding in kan chimh hna lai,” tiah CNF Chimphuannak Nawlngeitu Pu Htet Ni nih The Hakha Times ah a chim. Atu hi Ralkap cu an kal lio a si i zeitik ah, khoika ah an i ton lai ti belte a fiang rih lo. Credit: The Hakha Times

Yangon ah CNF ralkap 2 an tlaih hna | THE CHIN EXPRESS

Thawngpang Dang:Thawngpang ttha, Kawlralkap nih an tleihmi Laimi pahnih kong cu tuchun suimilam 12 ah thawngthar theih asi lai tiah an chim. Kalaymyo lamzawhnak ah aa telmi Chin-shai khua ah palek le kawlralkap nih minung pahnih hna cu nizan zanlei suimilam pali le cheu hrawngah an tleih hna i, Myo-mah palik zungah an hruai hna tiah theih asi.

Hi konghe pehtlaiin tuzing ka ah an inn ah ka va kal i, a nu le pa zong kum upa lei an si hna i, an tap lengmang. Mit in kan va hmu lo nain lampi ah ralkap uknak duhlonak an au caah asi ko lai tiah hringtu apa nih cun a chim. Chungkhar khat hna nih an thawngpang an dottlet i, tuchun suimilam 12 hrawngah zunglei in thawngthanhnak an rak tuah te lai tiah a nu le pa nih an chim tiah khuami pakhat nih a chim.

Sanmyo sang i a ummi Salai Van Lian Ceu kum 25 hrawng asimi le Mai Chin Chin cu lamzawhnak an tuah hnu ah birthday hmangin an kal. Cu an kalnak in zanlei suimilam pali le cheu hrawngah palek le ralkap nih an tleih hna. An tleih hna hi chungkhar lei nih cun zanlei suimilam panga le cheu hrawnglawng ah an tleih hna timi thawng an theih.

Kawlralkap nih February nikhat thok in rampi uknak an lak hnu ah mipi hna nih lamzawhnak in duhlonak an langhter. Lamzawhnak atuahmi hna cu Kalaymyo kawlralkap le palek nih an tleihmi hna hi minung pali an si cang. Cu hna cu Lalremmawia le Kyaw Aung, Salai Van Lian Ceu le Mai Chin Chin hna an si cang tiah an langhter. Credit: CT.

Be the first to comment

Leave a Reply

Your email address will not be published.


*