Thawngpang Tha Taktak : KIA Nih Ralhrang Tatzinghmu 2 Le Ralkap Tampi An Thah Hna.

Uknak latu ralkap tapung tatzinghmu 2 an thinak nihin Alawbom kah dohnak: KIO zungpi umnakk KIA Tatmaha 5, Tatzing 30, Alawbom pawng ah nihin April 12 ni zinglei suimilam 5am thok in ralkap council hriamtlai tapung pawl thazaang tampi i KIA an kah hmasa caah nihin puai a zualhma ngai ti a si.

Kahdohnak a um cuahmah lio zinglei suimilam 7am hrawng ah ralkap council hriamtlai tapung lei nih raltuknak jet vanlawng (Fighter jet) 2 in bomb an vorh i KIA an doh ti si. Cu pin ah chun suimilam 12:30 pm hrawng zongah miakpi in voi 5 an kah i kah hnih kar atu le atu in kahnak a chuah tiah theih a si.

Nihin mipi ralkap KIA le ralkap council hriamtlai tapung kar kahdohnak hi Alawbom kalnak lam le a pawng kam hrawnghrang, Momauk chaklei khua hna ah atu le tu in an ikah i ralkap council hriamtlai tapung lei in Khamaya 437 Tatzinghmu a thi caah Nonlian khua in helicopter in an rak lak tiah theih a si. Cu pinah Khamaya 387 Tatzinghmu zong a thi ve tiah thawngpang theih a si.

Alawbum ahhin nizan April 11 ni khan ralkap council hriamtlai tapung le KIA an ikah cang hna. Ralkap tapung pawl nih KIA uknak hmunhma Alawbum le KIA Laiza zungpi umnak pawng hrawnghrang ah hriamngan in an kah hmasa hna i, Alawbum sakhan tu cu ke ralkap tapung pawl nih voi 2 tiang an kah caah nihin April 12 ni tiang KIA lei nih biatak tein an i ven i an lehrulhmi si.

Be the first to comment

Leave a Reply

Your email address will not be published.


*