Thawngpang Tha, Covid-19 Vaccine Dang An Hmuh Chap

Kan vawlei pi cu thawngpang chia lawng te theih si caah lung a nuam lo kho tak tak a hlei in covid-19 zawt nak nih hin mipi a kan tlaih tul zung rian tuan mi hna rian tuan kho lo le khual tlawn duh mi hna zong tlawng kho loin a zei lei poh ah a kan buai tak tak cun mah zawt nak hi a dai deuh cang kan ti hnu ah kan kawlram cu a kai karh lei lawng te a panh i thin a phang ngai ngai.

September ni 22 ah khan khan  Russia nih covid-19 vaccine cu a thar an hmuh than cang hi kong he peh tlaih in Russia president pa nih thawng a thanh a thanh mi cu zawt nak hrik that kho tu virus si kan ram nih a thar kan hmuh khawh thah hi si hi ralkal le siai lei rian tuan tu hna sin ah pek chanh hmaisa a si lai i cu dih hnu ah a adang mipi ca le ram dang caah pek than a si te lai kan ram ah maj su ai hi kan chuah khawh hi ram thangcho le mifim mithiam nan tei mat ruang ah si tiah a chim.

Thawngpang dang relchap: CNLD Nih Chinram Ah Cozah Tha A Ser Lai.Tukum 2020 Myanmar Ram thimnak ah Ramkomh huap in Coalition cozah a va chuahkhawh lo i, NLD nih Cozah a va ser hmanh ah Chin State ahcun Cozah loin kan ihruai lai ti ka zumh. A si loah CNLD nih a chak a tlaihmi Cozah a si te lai ka zumh. Cucu Cozah thatukmi zong a si fawn lai ka zumh fawn.

A ruang cu; Chin State ah Pyine Hluttaw 24 a um. Cu chungah 6 cu Ralkap an si. A taangmi 18 hi mipi nih thimmi Palai an si. Cu 24 chung ahcun Palai 13 a tlingmi Party nih Hluttaw Speaker a tlaih lai. Hluttaw Speaker tlaihkhawhnak ca i Palai 13 tlin ding ahhin USDP cu Ralkap nih a ngeihmi Party a si caah Palai 7 an tlin ahcun Ralkap 6 he fonh in Hluttaw an tlaih khawh.

Nain tukum hi Pyine Palai caah USDP pakhat hmanh an tlin lai zumh a um lo. USDP Palai pakhat hmanh an tlin lai zumh a um lo caah Ralkap 6 lawng in chia chung ko usih. A tangmi 18 ah ZCD hi Palai 3 cu an hmuh lai ka zumh. CNLD nih Palai 10 a hmuh lai ka zumh. NLD nih Palai 5 an hmuh lai ka zumh ve. Si cun Ralkap 6 cu chia rih u sihlaw ZCD Palai 3 hi NLD Palai 5 he an va ifonh hmanh ah Palai 8 lawng an phan lai.

Cucaah CNLD nih Palai 10 in Hluttaw a tlaih khawh lai tinak a si. USDP le NLD nih miaknak ah an hman veve mi 261 ningah Ramkomh President nih Ramkulh CM thim ko hmanh sehlaw Ramkulh Hluttaw nih a hnatlakpi a hau. Cun Ramkulh Hluttaw nih CM ding nominate a tuah kho lo timi phunghram ah aa um fawn lo caah Ramkulh Hluttaw nih nominate a tuah khawh tinak a si ko.

NLD zong nih Union Hluttaw thazaang in State Counsellor an ser ve ko cu mu. Cucaah Ramkulh Hluttaw nih CM ding nominate a tuahmi thim loin Ramkulh Hluttaw nih a hnatlakpi lomi lehlam a thim ahcun Chin State nih Cozah kan ngei lo ti khawh a si lai. A ruang cu Ramkulh Hluttaw duhnak tel loin zei rian hmanh a tuan kho lai lo. Cucaah Ramkomh President nih Chin State ah Cozah tha chuak seh ti a duh ahcun Palai tambik a ngeimi CNLD chungin CM a thim hna a hau lai.

Be the first to comment

Leave a Reply

Your email address will not be published.


*