Thawngpang Chia : Tunai Te Bakah Hakha Ah Inn Akaang Thaan.

Breaking News : Hakha Sianginn Thlangah Inn Pakhat Akaang

Nihin 2021 March 4 ah Hakha GTI sianginn thlang ah inn pakhat cu lo mei duahnak in a inn a kaang tiah theih a si, mah a kangh lio hi zaanlei suimilam nazi pa 2 hrawng ah a si tiah theih a si. Mah inn a kangh daan hi a mak ngai duahmi zong a si fawn loh cun inn chung in akaangmi a si fawn lo.

Hi kong he pehtlai in mei thahnak hmun a kal mi niha chimming ah cun , “A kangh hi suimilaam 2:00PM tluk ah a si. Mei aa thoknak hi lo mei in a si i Minung aa hliammi cu a hohmanh an um lo. Cun, atu a kaang mi inn chung ahhin minung an um lo. Fungvui le a dangdang an chiah mi tucu a kaang dih,” tiah a chim.

May be an image of outdoors

Meithat zung riantuan a tam deuh CDM an luh ca ah minung an tlawm. Inn a kangh le cangka in Bible siangngakchia le pawngkam minung nih an fuh nain an phalh manh lo. Cuca’h a dihlak piin a kaang dih tiah theih a si.

RELCHAP

Myanmar palek 3 India ah an zaam

Myanmar palek 3 cu ralkap bawi nawl pekmi tuah duh loin India nichuahchaklei Mizoram state ah an zaam, tiah India palek nih tuni ah an chim.“Ralkap nih Myanmar ram an hruai caah India ah an rak zaam hi a si,” tiah Serchhip district palek bawi Lalrinawma nih a chim.

Myanmar palek 3 India ah an zaam | THE CHIN EXPRESS

February 1, 2021 ah ralkap nih Pi Aung San Suu Kyi le President U Win Myint telhin ram hruaitu pawl a tlaih hna hnu ah nawl ngeihnak a lak.Cu ruangah, mipi pawl cu ralkap duh lo langhter in sandah an piah hna i atu tiang ah rammi 50 renglo an thi cang.

Palek 3 cu Nithumni ah Vanlaiphai khua chaklei i ramri in an rak lut. India nawl ngeitu nih an ngandamnak an check hna i an umnak ding an tuak tan piak hna.“Ralkap bawi nih tuan ding a kan fialmi a um i kan tuah duh lo caah kan zaam tiin palek 3 nih an chim.

 

Be the first to comment

Leave a Reply

Your email address will not be published.


*