THAWNG THA LIAN NIH HAKHA AH MOTOR CYCLE A FIR TTHAN HOI

Thongchuak Pa nih Hakha Khuathar ah Motorcycle a Fir Than. Motorcycle a rak fir ruang ah Kalay thonginn ah kum 2 a tla balmi pa Thawng Tha Lian (kum 25 hrawng) nih nihin zinglei sml. 7:00 hrawng ah Hakha Khuathar ah motorcycle aa zaampi tthan, tiah thawng kan theih.Thawng Tha Lian hi Kalay thonginn in a chuah hnu ah Hakha Khuathar ah a rak phan i, Saya No Chum singinn ah Baibal a cawngmi ka si tiah Hakha Khuathar khuami pawl a hlen hna.

No photo description available.

Khuathar upa pakhat nih, Saya No Chum Baibal sianginn ah a kaimi ka si a kan ti. Saya No Chum nih Hakha tiang a rak ka thlah i Vambai khua lei kal nakding ah motor ticket cawk ka herh, motorcycle rak ka hlan ta u tiah a kan ti. Kan lung ttha lo i motorcycle cu kan hlanh,” tiah The Chin Journal ah a chim. Motorcycle an hlanh hnu ah a rak chuak bal ti lo i, Khuami nih an kawl tik ah Hakha Golf Club, Thantlang lei kalnak lam ah an vung tlaih khawh. Thawng Tha Lian cu nihin zinglei sml. 9:00 hrawng ah Hakha palik nih sakhaan lei ah an kalpi cang, tiah a cunglei Khuathar upa nih a chim. Credit:The Chin Journal

May be an image of child

Relchih: KIA 5th battalion hna nih ralhrang kawlralkap 385 LIT Pan Hkawn Yang panh in a kalmi hna cu Monyon khuapi pawng SI Sak timi khua ah an kah hna i, tukdohnak fak ngaiin a chuak tiah an langhter. Hi tukdohnak lehrulhnak caah tiah ralhrang kawlralkap hna nih cunglei raltuknak Vanlong pahnih in KIA ralkap 8th brigade hmunpi cu bomb in an kah hna tiah an langhter chih.

KIA nih ralhrang kawlralkap an kah hna hi, zingka suimilam pasarih le minute 20 hrawngah a si tiah an chim. Cun ralhrang kawlralkap nih cunglei raltuknak vanlong in an vun kah hna hi chun suimilam hleihnih le minute 55 hrawnghrang ah a si tiah an langhter chih. Ralhrang nih vanlong in an kah hna hmun hi Minyon khuapi pawng ah a si tiah an chim chih.

Hi lio caan ah Phakant khua ah KIA ralkap 6th battalion hna le ralhrang kawlralkap hna cu Seng Tawng le Yoma khua an i ritnak hmun ah zinglei suimilam pakua hrawnghrang ah an i kap tthan. Cun Phakant khua pawng ah a ummi KIA ralkap 9th brigade tangah a ummi hna nih ralhrang kawlralkap 76th battalion hna sakhan Tang Gau Mum hna an tthuat rih hna.

KIA ralkap 9th brigade tang a ummi hna nih ralkahrang kawlralkap sakhan Masa Tu Kawng timi cu zan suimilam pasarih le minute sawmnga ah an luh hnawh hna i an lak khawh tiah thanhnak an tuah. Mah ni thiamthiam ah Danai Khua pawng ah a ummi KIA ralkap 14th battalion hna zong nih zanlei nazi paruk hrawngah 60mm motor in ralhrang kawlralkap hna cu Nam Hkam ah voitam ngai an tthuat rih hna.

Hi konghe pehtlaiin kawlralkap ralhrang Ngaga mi hna nih Nam Hkam le Lisu lam lei hoih in suimilam pali hrawnghrang ah meithal tam taktak an puah pin ah Nam Hkam khua cungah ralhrang kawlralkap raltuknak vanlong pahnih hna cu a tu le tu bak in an zuang hna tiah mithmu tu hna nih an chim. Hi tukdohnak ah hin minung zeizatdah a thimi an si timi an langhter lo. Kachinland News

Be the first to comment

Leave a Reply

Your email address will not be published.


*