THANTLANG UMMI CHIM CIO HNA USIH, NAN INN MIN TARMI RAK FIM DIH UH

Ralrin Peknak. Kan Inn Innka cung ah ka Pa le min le kan Khrihfabu min kan tar mi Hna kha rak kan phoih piak rih ulaw. Ralkap le Palek nih Minung Kawl pah in Datmei in mi Innka an ceuh hna. A luancia mi March 21 hrawng inThantlang ah CDM a tel mi hna an inn ah hlattlaihnak an tuah hna tiah theih a si. I Ralrin cio Hna usih.Share tuah in mizapi sin ah thawngthanhnak rak tuah ve.

Sawmnak: Nihin tiang Thantlang peng ah cozah riantuan mi chung in CDM a tuah rih lo mi minung 233 nan taang rih. Ralkap uknak hma kal kho hlah seh tiah harsatnak tampi lak ah cozah riantuan hawi hna nih CDM an tuah cang mi ruatbu le zawnruahnak he CDM ah nan i tel ve cang naklai khua mi nih kan in nawl hna.

CRPH nih CDM tuah dingin a donghnak bik ni a khiah mi March 31 hlan ah mizapi lei ttang in CDM nan tuah ve naklai kan in nawl ko hna. Khi ni tiang ah CDM a tuah duh lo mi cu mizapi temtuarnak a theithiam ve lo i, ralkap uknak a hmakal khawhnak dingah mizapi a leirawitu tiah kan in ti hna lai. A herh ning in 𝗦𝗼𝗰𝗶𝗮𝗹 𝗣𝘂𝗻𝗶𝘀𝗵𝗺𝗲𝗻𝘁 zong kan tuah ve cang lai. Credit: The Thantlang Times

Relchih:Ruahchuk Ruahcho. Ralkap tax pek lo, ralkap thil cawk lo le electric bill pek lo, timi pawl tham cu lamcung ah duhlonak langhtertu pawl le CDM an um ti lo hnu tham ahcun ralkap pawl rian an ngei ti lai lo i cuhna pawl cu an luhnawh hna lai i an hrocer hna lai, an tlaih hna lai, an thah rih hna lai, an thawl hna lai, an mei an hmih piak hna lai, cuhna pawl zong cu a lung a rak dong ve cangmi an si cang lai caah ralkap nih cun fawi tein an king duahmah ko hna lai.

Cu hna pawl an lungdong sual le bang ahcun CRPH cachuah tham cu thlitu lakah favai pumh bantuk menmen khi asi ko lai. Ralkap nih an ngei ti lo hnu le an rawl a tam rawh phawt phawt tham ahcun na sian zong sian lo zongah na ngeihmi paoh kha an in chuh khawh viar. Vom rem sual bantuk men adi kho.Duhlonak langhtertu temtuarnak le aunak le CDM thawng hin dawh CRPH zong cu a dir khawh ko cuh. Hi hna pawl thawng hin dawh UN, EU, US le ASEAN zong cu a holh ve ko cuh.

Hi hna pawl an lungdong cang hnu phawt phawt ahcun CRPH le tlangcung hriamtlai pawl zong nih zeihmanh an lumter kho hlei ti lai lo. Faktuk in ai vua cang i a tha a dituk cangmi vuak ter nawlh than ding cu UN le US hmanh nih an forh kho ti hna lai lo dah.Cucaah a lum lio te hin Tlangcung hriamtlai pawl nih anmah le umnak (state) cio ah thih le thih, nun le nun, tiin ralkap pawl hi an i rin lo tukin luh hnawh viar hna seh, khua le khua pehtlaihnak vialte zong chat viar hna seh.

Yangon, Mandalay le Naypyidaw zongah mipi nih cozah meithal chut ve hna sehlaw gas bomb he an thiam ning paoh in ralkap rak buai hnawh ve hna seh, CRPH nih EU or US sinah Drone le hriamnam tha deuhmi hal seh. R2P bawmh hal le ramdang ah ralkap pawl mualphoter luklak i timh caan asi ti lo i, ICJ le ICC luklak ah MAH tazacuai tim in caan rauhter sawhsawh ti hlah seh, a si kho lo tukmi asi. ICJ nih MAH cu a palh an ti zungzal cangmi asinain aho nih dah Myanmar ah cun ra riangmang in a vun tlaih lai i?

Cu bantuk cun Myanmar hi tu duh taktak hna sehlaw 1962, 1988 le 2007 lio ah khan an rak tuk diam cang lai si. Cucaah Civil mi thih tam ding kan duhlo caah asi ti caan asi ti lo. Tih le phang lengmang in va nun zungzal nak cun voikhat thih ah thih lawlaw khi a tha deuh, tiah phung thluk ah a um khah. Zeipaoh nih caan an ngei le mipi an lungdong hnu kum 2022 hnu hna ah cawlcangh i timh ding asi lo.

Ka chim ngam bakmi cu CDM le Generation Z pawl an lung dong hnu i zeihmanh an tuah ti lo i an mah le rian cio an tuan hnu cun zeizong vialte khi a dih taktak cang ti nak khi asi ko cang lai. Cucaah hi ralkap hi tei taktak kan duh ahcun a rannak bak in phisin ahaumi asi tiah ka hmu. Ralkap cu an kua pih tiang an tang lai timi cu theih cia asi ko caah an lungdong phun cu hngah i timh ding asi lo, vomrem sual kan lo ko lai, rawl loin kan thah lai ti hna i ti sual lai u cih an rawl tam ahcun na thil kha anmah thil viar asi lai khah, cucaah mipi lungdong hlan ah hriam hman thiam an herh! Credit: Chelsea Bawi.

Be the first to comment

Leave a Reply

Your email address will not be published.


*