THANTLANG UM RALHRANG KAWLRALKAP AN ZIA LANG COLH, RALRIN AHAU

Thantlang ah a ummi ralhrang kawlralkap bia hi zumh bak ding an si lo, mi lihchim le mihlen a hmang taktak mi an si. Bia an chimmi an lungtak pakhat hmanh a si lo. An ziaza vialte a lang colh cang. Nizan ti awk ah Thantlang ralhrang kawlralkap hna nih Thantlang ah buainak tuah kan duh lo tiah khuami an chimh hna.

Sihmanhsehlaw a zan lila ah Thantlang ralhrang hna nih meithal an puah tthan. Culawng siloin mi an hrocer rih hna pin ah an vuak mi hna zong an um rih. Cun ralhrang kawlralkap hna nih inn chung ah an luh hnawh rih hna. An biachim le an thiltuah hi Thantlang mipi nih zumh hrimhrim hna lo ding. Hi konghe pehtlaiin atanglei bantukin alanghter.

Ralkap bia cu zeitik hmanh ah zumh ding silo, Thantlang buai kan duh lo an ti, a sinain a zaan lila ah Mi an hro. Meithal an puah innchung ah an luh hnawh hna, an vuak mi an um. Cucaah ralkap nih an chimmi cu a tulio ahcun hlenthawinak lawngte asi. Kan i ralrin ngaingai hau. Furpi nih aa kan phuatchih te lai i harnak fakpi mipi kan tongte kho caah ralring tein um kan hau. Mi hrokhrawl pawl an cawlcangh ning Thantlang khuachung ah tha tilo. Credit: Stonny Bawi (CDN)

Thantlang Khua I Covid-19 Zawtnak An Hmuh Mi Hi Khua Zei In Dah A Tlung Mi  An Si -

Pu No Than Kap biaruahnak ngeih timhmi konghe pehtlaiin Zasang Cinzah nih fiang ngaiin alanghter. Pu No Than Kap cu CCN nih zoom in biaruahnak tuah an timh. CCN nih thanhnak an tuahmi cu Pu No Than Kap le CCN biaruahnak a um lai. Atu lio thil sining pawl he pehtlaiin biahalnak le biaruahnak cu atanglei ni le caan ah tuah asi lai. Ani le caan may 27, 10pm, Kawlram in 28, 8:30am,

Hi biaruahnak tuah timhmi kongah bochanmi Zasang Cinzah nih a langhter mi cu Lai holh ah mihrawkhrol timi hi lai holh lila in leh ahhin “mi a hrawktu” ti zong in sullam a khen ve ko. Cucaah, Mi a hrawktu pawl interview nan tuah lengmang hna i, nan lar/popular ter lengmang hna ahcun, zeitindah kan society cu a thancho khawh lai e!

Mi a hrawktu siloin, mi a thanchoter/ inspirational person pawl deuh hi interview tuah ulaw/ lar/ pupolar ter ulaw kan society caah, kan Mino caah, thathnemnak a um lai.Media riantuantu paoh nih tlaihtleng / principle nan ngei cio awk a si i, media hmang in kan society caah, kan Mino caah, zeibantuk lei indah tthathnemnak kan chuahpi ve lai timi “Vision” he hma nan lak cio ding kan duhpi ngai hna. Tiah a tial. Credit: Zasang Cinzah & CCN

Be the first to comment

Leave a Reply

Your email address will not be published.


*