THANTLANG SOPUM KALNAK LAM AH MOTOR LE CYCLE AN I PAH SUAL

Thantlang,Sopum kalnak lam ah motor le motorcycle cangsualnak chuak. Hakha Pengkomh, Thantlang khua lonh Sopum kalnak lam ah motor le motorcycle cangsualnak 2020 December 7 suimilaam 6:00PM tluk ah a chuak i a thimi an um lo nain faak ngai in an i khawng tiah theih a si.

Thantlang vun lonh Sopum kalnak lam datsi dawr hmai ah a si. An cangsual ning hi motorcycle nih motor lonh aa timh lio ah atu bantuk in an cangsual hi a si. Motorcycle a khaltu pa hi a lu a kuai, a hnakhaw in thi a chuak i sii-inn ah an tlikpi colh,” tiah a hmun i a ummi pakhat nih The Hakha Post ah a chim.

Hma a tuarmi pa hi Thantlang sii-inn lei nih an damh khawh lo ca ah atu hi Hakha sii-inn lei ah an ratpi lio a si. Credit: The Hakha Post.

Relchih:Myanmar Election Kongah UEC Le President Nih An Tuar Lai Tiah Ralkap Nih An Ti Cang Hna.( Ka hngakkar a ka dohtu Chin State Vote thlaknak kong). Ni 8 November,2020 Myanmar Election cu a dih cang ti’ah UEC nih thawng an thanh cang na’in, ni 45 chung lungtlinlonak(Complain)tuah khawh rih asi i, a tutiangin USDP le Party dang pawl nih an buaipi cuahmah lio asi.

Hi Election kongah hin USDP le Party dang 19 nih 24 November ah khan UEC sinah Vote thlak ning a dik loh ti’ah Complain nak an tuah i, UEC nih lih le hrawkhrawl evident zeihmanh a um loh an ti i, Army Chief Sr.General nih 1.12.20 ah khan Nyphidaw, Yangon, Mandalay le township- 218 i Ralkap chungkhar pawl Votes an thlakmi vialte zohthan (Checking) dih dingin Order a pek i, Voters tam tak tak a dik lomi an hmuh tha’n cang.

Nizaan chun ah khan, Aungsan Suukyi nih Army Chief General Min Aung Hliang le sinah, RAK KAN NGAITHIAM UH. NLD KAN NAU LE PAWL NIH ANTANH TUK RUANGAH THIL AN TI SUALMI ASI. KAN PALH” ti’ah ngaih thiam a hal hna na’in, Ralkap nih cun Myanmar 2008 Constitution- Article-21(a) , Section-398 le a herhning In Section-417 hmangin kan kal lai tiah fiang putin an chim cang.

Tutiang Election Votes dik lo Evident(သက်သေခံ) an hmuhmi ah Yangon Township 10 lawngah Cases 143088 an hmuh pinah States/Regions kip ah Cases 62418 Votes diklo le firmi an hmuh rih i Palik ah Cases 120 leng siampiak an si rih. မှတ်ပုံတင် nei lo 109562, Sok liomi 17989, thlau/rawkmi- 4000 leng le Votes Siamchawm/ a thuahmi- 11537 pawl fir le hrawhhrawl in Vote an thlak ter mi tlaih dih an si cang.

Hi Election buaibainak kongah USDP le Party 19 hna nih UEC Chairman U. Hlah Thein le President U.Win Myint sinah Section-21(a) le 398 bangin Inquiry Commission rak kan dirhpiak uh tiah vawi tam an hal cang nain, an duh loh tiah Ralkap Spokesman Major General Zaw Min Thun nih a chim cang. Sr.General Min Aung Hliang zongnih a herh ah cun, President tiang zong Ralkap nih action kan lak khawh tiah tuan deuh khan a rak chim fawn cang.

Cucaah President U. Win Myint nih Myanmar Constitution,2008 nih rian a khinh bantukin, Election Inquiry Commission a dinh lai maw, silo ah UEC hi a hrawh lai dah! ti hi biahal nak asi cang. Cu Pahnih lakah Pakhat chang chang a tuah lo ah cunPhunghrampi ningin Ralkap nih tlangtlak khawhnak angei cang lai.

Chin State Election kong i, ka hnakkar a ka do tu bik cu 1. Tonzang Pyine-2 ah Voters- 8043 a um i Pu. Paulun Min thang ZCN nih Vote-7274 a hmuh lio ah NLD in Pu. Thang Suan Zam nih Votes- 5444 a rak hmuh ve. A dang 3 nih Votes tlawmpal an rak hmuh ve cio. Amak tuk ning cu VOTES- 4675 a hlei in an hmuh i, a thlithup in Chin State ဒုရဲမှုး ဝဏ္ဏဇော် nih Sub-Election Zung ah Report a pek.

Hi hi a ho nih (NLD အောင်နိုင်ရေး+ SUEC) dek NLD Votes တံဆိပ်ခတ်ပြီးသား rak thlak/ thleng dawh ngai asi. 2. Hakha Amyota-2 Votes thlaknak ah CNLD in Pu. Robin Zaathang nih NLD Pu. Ngun Vung cu a dongh laite Nazi cheu aa duh tiang ah khan, 50.6% le 49.4% in a tei na’in, Vote an rel dih hlah kanh khan, mi pakhat nih Pu. Ngun Vung nih a tei cang ti’ah a phuan i, a tei tak tak.

Hi points 2 ka zoh i, ka ruat lengmang tikah thil dik lo a um ka zumh bak i ka hnakruh a ka doh peng ko. 1989 ah Mizoram Election ah MNF Pu.Lal Deng kha (1986 Peace Accords hnu) India Central Congress Cozahpi nih Mizoram Cozah a siam sual lai ti an ttih tuk ca’ah, Governor Swaraj Kwuasal cu Congressman Histewar Saikia he an thlen i, Vote firnak( Rigging) an tuah.

Governor Saikia nih cun, Central in Congress Party အောင်နိုင်ရေးMithiam 30 rual cu a thlithup in Central Police(CRPF/BSF) uniform hruk terin Governor in pawngah an um ter hna. Cun, Congress Party Zungah Bomb a puak an ti i, Governor nih အရေးပေါ် curfew an phuan i, mipi a ho hmanh zaan an chuah khawh lo lio ah Vote chiahnak STORE ROOM chungah Central Congressmen ( Palik အတု) Zaantim ah an lut i, MNF Votes vialte kha, Congressတံဆိပ် an cumph cia mi he an thlen dih cikcek. Sinain PC Party President Pu.Thenphung le Pu. Lal Deng nih an theih tuk caah duh lohnakဆန္ဒပြ nak zong an rak nei cang. Hi hnu cu Central NLD le USDP le UEC zong a zumhin zumh ti lo ding asi cang. Credit: MC Biklian

Be the first to comment

Leave a Reply

Your email address will not be published.


*