THANTLANG PENG NLD CU KA LUNG AN DONG TUK CANG

NLD party le Suu Kyi cu ka uar tuk ko nain Thantlang peng NLD belte cu ka zoh hna i ka lungdong, ram rian maw an tuan or sipuazi dah an tuah? Pu Zacung zong tender bawh company ngeitu, Pu Chanham le MP Nisuilian zong tender bawh company ngei an si ve. Anmah paw caah thimnak an lut rua ka ti. An caah a cawlcangmi an agent zong ka zoh hna i tender bawhmi lawngte an si, Mara ah tender bawh thawng bik Mangdun, Lautu ah Magretpa, Zophei ah Pabawm. An dihlak tender bawh lawngte. Tender party tiah auh an hau cang. By Salai Lungthlitum.

Rolian Cabia cu aturu bak hih vun relchih hmanh: USDP/CNP Riantuannak hrawktu H. Van Thio tiah catial tu sin cakuat le fianternak. Naite September 27, 2020 ah Love of USDP ti mi le Thantlang pate ti mi nih Vice President Van Thio kong ca atial mi cu ngaih nuam lo taktak thil a si. Hi bantuk an catial mi zoh tik ah mi soisel le dohnak lam lawng a kawl mi an sinak a lang. Vice President Van Thio nih USDP le CNP riantuannak a hrawh tiah a ti mi chung in lehnak le fianternak ka van tuah.

Vice President Van Thio nih zei bantuk USDP le CNP riantuannak dah a hrawh? USDP le CNP nih hrawh piak awk in rian an tuan mi zei dah a um. atu na langhter mi hi a dik lo mi khuaruahnak le ruahnak that lo thinlung he ca na tial mi a si ka zumh.Vice President Van Thio nih Saisihchuak lam leet a tim naisai lo. Hi saisihchuak lam tlamtlinter tu hi zanfatin chunmang a manh mi le aa zuam mi a si.

Saisih chuak lam hi USDP le CNP nih an tuan mi le thawk mi a si lo. saduh thahnak cu an rak ngei ve men ko lai nain USDP le CNP chan ah a cawh zong an co lo I Hluttaw zong ah tuah ding biachahnak an tuah bal mi a si lo. Saisihchuak lam cawh ding saduh thah hna cu anmah USDP le CNP hlan in pawngkap khuate hna nih saduh cu kan rak thah cio mi a si. Saisihchuak lam khi CNP le USDP kut neh pakhat hmanh aa tel lo tihi na hngal rua lo.

Saisihchuak lam kong hi MP Pu Bawi Khing nih Hluttaw ah a chuah pimi a si. cucu 2017 lio ah a si. Hi kong cu MP Pu Bawi Khing sin ah fiang tein hal khawh a si.Saisihchuak lam zong tikir lei in a leet fawn lo. a leet lo caah pei Thantlang, Thlualam, Hriangkhan, Thau le Bungtlang lei in a cawhter hna i lung zong zeimawzat an phah cang khi. atu Hriangkhan in Tikir, Hmunhal le sialam lei in lamtuah a timh mi cu, Saisihchuak lam a awr kho ve lo mi hna khua nih Saisihchuak lam an zulh khaw ve nakding caah tuah ding in a tawlrel mi a si.

Tikir lam zong hawi hlei lam tha khun in a ser lo, na zumh lo cun va hrawng ta law na hngalh lai, nawkcek lak ah daw kal cio si ko khi. Thantlang, Thlualam, Hriangkhan, Thau le Bungtlang in Mizoram Sangau khua ah luhter ding in India cozah hna he tuanti ding in hnatlaknak an tuah khawh hnu ah budget zong an thlak cang cu. USDP le CNP lio ahcun an chim lawng an rak chim, an caih piak duh hna lo. a hnu ah MP Pu Bawi Khing nih a hal hna. cu lio ahcun Hakha le Thantlang kar lam hmanh an rak phah thlu rih lo, mengli tluk a rak i duh rih.

Atu hi Saisihchuak lam cu meng 27 chung lung an phah khawh cang. Bawi Nu hlei zong a hlan dawnh ding tiah rak ti mi ning in India taangzung he an i caih dih cang. chim duh mi cu Saisih chual lampi hi Vice President nih a leet lo, tikir, Hmunhal in Sialam lei in Saisihchuak lam cawh a timh mi cu Saisihchuak lam a awr ve lo mi hna khua caah tuah a timh mi a si.Cun Pyidawngsuh lam caah USDP chan ah chiah mi Hakha, Thantlang, Hnaring, Rezua, Palawa lam pi zong a let than i UPC khrihfabu umnak hmawngtlang lei ah a kalter caah Hmawngtlang khua zong an buai phahnak a si tiah an ti mi zong lih le hrokhrol in na chim.

Khi lam pi Hmawngtlang lei kalnak lam khi Vice President nih a theih mi a si lo. Budget cu a pek hna, lam um tuning le riantuan ning cu state cozah nih an tawlrel mi a si. cu ka theng ah lam kalter uh ti mi ah Vice President aa thlak lo. state cozah an um ve ko caah state cozah nih a tha an ti mi ning in an tuan mi a si.Cun hi Pyidawngsu lam pi Tio le Saisihchuak lam pi hna hi budget tampi in a tla mi a si bantuk in rianrang in lim khawh mi rian a si lo.

Cun State Cozah sin ah tuanvo pek cang mi lawngte an si tik ah State cozah santlaih lonak zong a si kho tihi na ruat kho rua lo.Na lungtlin lo mi cu State cozah sin ah chim ding a si lo maw? ziah pumpak rem lo nak thinlung he Vice President hi hi bantuk in thil si lomi na puh. Dawtnak a ngei mi na si ahcun atu bantuk in bia na chim ka zum lo. Thantlang hna cu Vuanci (Minister) kan ngei lo lio ah Vice President hna kan ngeih ruang ah Thantlang hi papek in Cozah nih tampi aa kan bawmh hih.Tikir B le Tikir A kong hna cu na vachim rel len ding ah ka ruat lo. miforh phun in catial na duh caah a si.

Tikir A le Tikir B kar lam zong a tuah thiamthiam ko lai, Saisihchuak tiang a tuah lai khih. fur lio ahcun khuakar lam cu khoi ka poh an chia cio ko. cun zei poh hi budget a tlak ning in riantuan a si caah duhnak lawng in riantuan khawh a si lo, tuanding mi, tuan lio mi le tuan lai mi tiin a um ko.NLD thlak duh ah Vice President rumro nan soisel mi hi nan tanh mi Party quality zeitluk in dah a tih nun ti kha alang ngai. Hibantuk in catial hmang mi le ruahnak ngei mi sin ahcun Jesuh hmanh President tuan sehlaw nan hmai ahcun a tling lai lo. Hi bantuk ca na tial mi ruang ah khuate zeimaw nih Vice President cung ah an lungfah ding mi hi na tih lo maw? hi nak in fiang deuh theih na duh ahcun pumpak in I ton khawh ka si. Catialtu: Rolian

Be the first to comment

Leave a Reply

Your email address will not be published.


*