THANTLANG PENG IN MINUNG PALI THIM DING A CHUAHPI CANG HIH

Tukum thimnak konghe pehtlaiin lungthiang tein ka lung umbia chim le phuan ka duh ve i, ka vun phuan ve ko lai. Asinain tthenkhat nih cun na palh tiah aa ka timi zong nan um ko lai tihi kai ruahchih ko. Sihmanhsehlaw lung umbia cu chim le phuan ahau ve ko caah vun phuan ve ahau ko. Atu tan thimnak ah hin ruahning le hmuhning cu aidang lengluang ko lai.

Asinain acung ka chim bangin pumpak ruahnak cio cu phuan ahau ko. Tutan thimnak ah a lut dingmi Chinram chungin tampi lakah Thantlang peng dirhmun tuin tlawmpal langhter ka duh mi asi. Aruang cu Thantlang peng ka si caah ka ram le ka miphun ka pengtlang caah keimah pumpak right hmangin vun phuan ve hrimhrim hi ka duhmi asi.

Tutan thimnak konghe pehtlaiin Laimi nih kan buai ngaingai mi pakhat cu CNLD le NLD party hi abiapi bik in kan buaimi thil asi ko. An policy kan theih dih, Abik in CNLD policy cu Laimi or Chinmi kan caah cun special bak khi asi ko. NLD an policy zong kan cuanh chih. Abiapi bik mi cu a cung ka chimcia bangin Chinram caah ti khi ka focus mi cu asi.

NLD nih kum 5 chung aa kan hruai, USDP nih kum 5 chung aa kan hruai. Cu a theipar kan zunmi cu ahochim hau loin kan theih dih mi asi. A hochan ahdah kan i sersiam timi hi cu kan theih dih. Cun ahodah kan thim ah Chinram caah rian attuan kho timi khi asi. Thantlang peng in tutan thimnak ah ai zuam dingmi chungin an nehnang an sining vialte kan theih dih hna.

Pumpak cun ram le miphun caah rian a ttuanmi llawngte kan si an ti ko, a hman asinain an ttuan taktak maw timi cuanh hrimhrim ahaumi asi. Kan pengtlang or kan khua an si ruangah kan dirkamh hna asi ahcun kan palhtuk lai. Dirpi awk atthami cu kan dirpi hna le kan kilhkamh bak hna dingmi asi. Cuchung ah tutan aa zuammi hna sining ah dirpi phu timi cu ka vun langhter ko lai.

Hiti ka vun ti tikah keicu aparty in ka kal hrimhrim lo. Zeicaah tiah zeibantuk Party an um zongah Chinram le miphun caah rian attuan kho dingmi cu kan thim hna hi ahau ko. Aruang cu zapi huap in siseh kawlram dirhmun vun cuanh tikah cunglei hruaitu hna cu an ttha ko. Sihmanhsehlaw kanmah kulhchung ah a ummi Palai hna hi zumh awk an tlak maw ti khi ruah ahau.

Tukum thimnak ah Thantlang pengin ai zuammi hna lak ah mipi nih kan thim bak hna ahau ko tiah ka ruah mi cu, pakhatnak ah VP Pu Henry Van Thio hi asi. Aliamcia a cawlcanghnak ah siseh tutan campaign atuahnak ah Chinram caah soiselnak um loin rian attuanmi le miding fel taktak asi. Cucaah Thantlang peng vialte hna nih kan dirpi bak dingmi asi.

Cun Salai Van Bawi Lian hi asi rih. Culawng siloin Chinchin Pekthang hi a si. Cupin ah dirpi tlak a si rihmi cu Saya Rungkaw hi asi. an mah Pali hi dirpi tlak taktak le ttanh aphumi cu an si. An mah pali chungin kan thimtlin hna asi ahcun Thantlang peng lawng hlah Chinram ca tiangin hmual angei kho dingin rian attuan kho dingmi an si.

Midang pawl zong an fel in an tthatuk ko hna, Sihmanhsehlaw a cung lei vun langhter mi minung pali hna hi mi bik an si ko rua tiah ka ruah hna. Cucaah cun kei cu anmah pali hna hi tutan thangtlang peng thimnak ahcun kan hrelh bak hna lo ding timi hi ka langhter duh. Acung ka chim bangin keimah pumpak ruahnak asi i, aparty in ka kal lo tikha ka vun langhter tthan duh. Credit. Saya Thawng

Be the first to comment

Leave a Reply

Your email address will not be published.


*