THANTLANG, HAKHA AH KAWLRALKAP NIH AN TLEIH MI HNA

Hakha ah Ralkap nih Tlaihmi a Dang Minung Pathum an Um Rih. February 10 zaan ah Chin ramkulh Election Commission rianttuantu hruaitu upa deuh pawl ralkap nih an tlaih dih hna. A tanglei minung pathum hi Hakha District Election Commission Secretary Daw Cho Khaing Oo,

Hakha District Election Commission Chairman Pu Lian Hre le Chin ramkulh Election Commission Secretary U Lin Kyaw an si. Annih zong hi Rungtlang ah ralkap nih an kalpi ve hna.Nizan ah Hakha le Thantlang ah a ummi Election Commission hruaitu upa minung 8 tlaih an tong. Chungkhar nih atu tiang an pehtlai kho hna lo. By Min Cung Nung

Ralkap nih Hakha le Thantlang ah Minung 6 an Tlaih Hna. Feb. 10 zaan ah Hakha le Thantlang ah ralkap nih minung 6 an tlaih hna, tiah thawng kan theih.Tlaih a tongmi hna cu Chief Minister Salai Lian Luai, Chin ramkulh Election Commission Chairman Pu Uk Nawl, Thantlang peng Election Commission in Chairman Pu Thla Mang le Salai Khin Aung Ling,

Hakha peng Election Commission in Pu Thawng Za Sang le Pu Thla Kio Lian hna an si. Thantlang i an tlaihmi hna zong hi Hakha ah ralkap nih an kalpi hna i atu tiang chungkhar lei nih an pehtlai kho hna lo.By Salai Zing Bawi. Laknak: The Chin Journal