THANTLANG CDM CAZIN AN THLAH CU LUNG AFAK I, NGEIH ZONG A CHIA NGAINGAI

Thantlang CDM Le CDM Kong Lungum Bia: Thantlang CDM cazin an van thlahmi ka zoh i, lung a fak i ngeih zong a chia ngaingai. Laitlang ahcun laimi deuh rian a tuanmi kan si ko hna i, zeiruah ahdah mah tluk in CDM a tuahmi an tlawm hnga ka ti. Aruang cu Nupi le fale tlato tein a cawmmi hna, zingzan ei bakbak hmanh ah harsa ngai in a ummi lahkhah hmanh ai za lomi chungkhar kan tamtuk.

Chungkhar ah thihbawh in zawtfah dam lomi zohkhen tu dirhmun, tuanlo ahcun eilo, docawinak zong ai hmuh kho lomi, zungkailo ahcun fale eilo dinglo in chiah a haumi dir hmun kan rak tam tuk caah a si. Ram chung cu khawika hlei ah vai telveihnak a um loh. Ramleeng cu Bawipa dawtnak in thlato teah kan cang. Zeitluk indah Zalonnak Ram um a nuam le a thanchomi Ram kan hei hngar hna. Kan ram hi rak tha sehlaw a ho hman Mi ram dangah a um huam i kuli a tuan hmun kan um lai ka zum loh.

Mipeen si a har ning le mi ramdang kuli tuan a hei har ning cu kan thei dih ciomi a si. Kan mah cu chim lo kan fale kan peemnak ram i chuakmi ko hna hman, Mipeen Pa Mipeen Nu an ti hna i an lung a hei fah ning ( An van ti peng rih hna lai). Mah le ram , Mah le miphun, Mah le holh, Mah le chungkhar unau rual he umti a hei nuam ning. Cucaah kan si khawh tawk cio in, kutsamh ko hna usih. Thlacamnnak le ka ti khawh chawva te in dirpi ve cio hna usih.

Ram leeng um kan dihlak in, nihin cu lahkhah thoh asi bantukin CDM caah ai tel kho rih lomi zong, tel khawh i zuam hram hna usih. Ramkip um kanpa le hruaitu hna an i tawng lai i, zeitindah ramleng in kan dirpi hna lai. CDM an tuah chung chawnva in, thlacamnak in, thazaang i peknak in kan dirpi hna lai tiah biatak tein khua an khaan cuahmah. Kan U kan Nau cio, kan nu le kan pa cio an si a ho mi hlei an um loh timi zawnruahnak lungput neih cu Bawipa nih thlua a chuah i, a kan duhpiakmi zong a si.

Nehemiah nih Persia um Isreal a miphun hawi hna sinah a rawkmi Jerusalem kan remh hna lai tiah a sawmnak hna aw cu Bawipa nih thlua a chuah i an Siangpahrang tiang nih an hermi chawva a bawmchan hna ( Nehemiah 1 in ). Cuvebantuk in Laitlang lei in an kan sawmnak aw, an mitthli tlaknak hi theihpiak caan le hmuhpiak caan a za ve ko cang. A tlawmtuk ti si loin kan ti khawh tawk cio kan i tanrual nakah Bawipa kut a lang hrimhrim ko lai.

Bawipa nih Miphun pakhat ah a kan ser i, Ram a kan pek. A zohkhenh le a ven hi Minung nangmah le keimah kan rian a si. Bawipa nih a kan pekmi luatnak he kan ram le kan miphun nih kan biak i, kan thangtha caan si ko cang seh. Pupa phungthluk ah kan neimi cu “Unau thurual thlulo paamnak, Khuapi thurual remlo tionak” ti a si. A tu lio caan hi kan tio lonak dingah lungrual kan herh lio caan a si.

Cathiang ah kan hmuhmi cu 𝐒𝐀𝐋𝐌 𝟏𝟑𝟑:𝟏-𝟑 𝐔𝐧𝐚𝐮 𝐫𝐮𝐚𝐥 𝐢 𝐫𝐞𝐦 𝐭𝐞𝐢𝐧 𝐤𝐡𝐮𝐚𝐬𝐚𝐤 𝐭̣𝐢 𝐡𝐢 𝐳𝐞𝐢𝐭𝐥𝐮𝐤 𝐢𝐧 𝐝𝐚𝐡 𝐚 𝐭̣𝐡𝐚𝐭 𝐢 𝐚 𝐧𝐮𝐚𝐦𝐡! 𝐀𝐚𝐫𝐨𝐧 𝐥𝐮𝐭𝐡𝐥𝐮𝐧𝐠 𝐢𝐧 𝐚 𝐤𝐡𝐚𝐛𝐞 𝐚𝐡, 𝐚 𝐤𝐡𝐚𝐛𝐞 𝐢𝐧 𝐚 𝐚𝐧𝐠𝐤𝐢 𝐡𝐧𝐠𝐚𝐰𝐧𝐠 𝐚𝐡 𝐚 𝐯𝐮𝐧𝐠 𝐥𝐮𝐚𝐧𝐠𝐦𝐢 𝐨𝐥𝐢𝐯 𝐜𝐡𝐢𝐭𝐢 𝐛𝐚𝐧𝐭𝐮𝐤 𝐚 𝐬𝐢. 𝐇𝐞𝐫𝐦𝐨𝐧 𝐓𝐥𝐚𝐧𝐠 𝐝𝐚𝐩, 𝐙𝐢𝐨𝐧 𝐭𝐥𝐚𝐧𝐠 𝐜𝐮𝐧𝐠 𝐢 𝐚 𝐭𝐥𝐚𝐦𝐢 𝐛𝐚𝐧𝐭𝐮𝐤 𝐚 𝐬𝐢. 𝐙𝐢𝐨𝐧 𝐓𝐥𝐚𝐧𝐠 𝐚𝐡 𝐜𝐮𝐧 𝐭𝐡𝐥𝐮𝐚𝐜𝐡𝐮𝐚𝐡𝐧𝐚𝐤 𝐤𝐚𝐧 𝐩𝐞𝐤 𝐡𝐧𝐚 𝐥𝐚𝐢, 𝐭𝐢𝐚𝐡 𝐁𝐚𝐰𝐢𝐩𝐚 𝐧𝐢𝐡 𝐛𝐢𝐚 𝐚 𝐤𝐚𝐧 𝐤𝐚𝐦, 𝐳𝐮𝐧𝐠𝐳𝐚𝐥 𝐧𝐮𝐧𝐧𝐚𝐤 𝐜𝐮. Ngun Doi Fam. Laknak: Abraham Sang Nawl fb page.