THANTLANG AH VANMI AN ZUANG TIMI KONGAH BIAFIANG A CHUAK

Thantlang khua cungah Van Cungmi an zuang tiah thawngpang a vun leng ngaingai. Hi thawngpang hi The Chin Light nih video he a langhter mi a si i, tthenkhat biatak tein an share cio hna. Tthenkhat nih a hman lomi a si atimi zong an um, Atanglei ah biafang von kan von taar chih. Hi konghe pehtlai in The Chin Light nih Zahan ah Thantlang khua cungah Van Cungmi an zuang Hi thil a caan hi cu khuaruahar cu a si ko.

Thantlang khuapi cu Ralhrang ralkap tamnawn nih nizan ah an luhhnawh hna hnu ah mipi a hohmanh leng an chuah ngamlo liopi ah hi thil hi a cang mi a si” tiah a langhter. Hi thawngpang hi The Chin Light nih a tarlangh tlawmpal ah minung tampi nih share tuah cio mi asi. Hi video hi Thantlang khua ah a cang taktakmi a si maw ti ahcun a si lo. Norway ah a cangmi thil a si tiah theih a si.

Hi kong he pehtlai in VIDEO a latu amah bak nih amah pumpaak timeline ah Thantlang khua ah a cangmi si loin, Norway a cangmi a si tiah fianternak a von tuah. Fianternak a tuahmi a si. Austin Bawi Hkn Bawitlung nih “Norway um mi ka c kei mah pumpak ph in ka thlak mi si. Samsungs21ultra in, Mah video he pehthlai in biafiang lo tete a um caah fiang deuh te in chim khawh ka van i zuam la.

Mah kan hmuh mi hi Norway ah si. A hmu tu cu minung pa 4 kan si. 20.08.2021, zan nazi 11:30 ah kan hmuh. mah hi caan sau pi an lang lo minutes 25 in 30 hrawng lawng an lang. Youtube video ta lak mi a lawh nak cu ph video thlak nak in a muih deuh caah camera lawng in a fiang deuh caah screen record in camera ta ka lak nak si. Mah video i nan hmuh mi hi zei si ti cu ka chim kho ve lo nan mah le nan hmuh ning cio khan zei si ti cu i khiah ko uh”tiah fianternak a tuah.

Thawngpang dang: Nawlngeihnak latu ralhrangbu bawizik changtu Vice-Senior General ဒု-ကာကွယ်ရေးဦးစီးချုပ် ဒု-ဗိုလ်ချုပ်မှူးကြီး) Soe Win cu Mon ramkulh Thaton khuapi hrambunh Brigade 44 ah a phan tiah theih a si. Hika tiang a phanhnak cu kahdohnak tlangtlak dingah a si tiah KNU Brigade-1 in ralbawi pakhat nih a chim. Thaton ah um in kahdohnak ah a tlangtlak hna lai tiah thawng kan theih” tiin KNU Brigade-1 in Bohmuci pakhat nih a chimmi a si. KNU Brigade-1 hmunhma ahhin nifatin tein kahdohnak a um lengmang, tiah a cunglei i KNU ralbawi nih a chim chap.

Vice-Senior General Soe Win hi Mon ramkulh Thaton a phanh hlan, August 19 ah khan Karen ramkulh Hpa-an a kal i kahdohnak kongah tlangtlaknak a ngeih hna, tiah Hpa-an khua i SAC ralkap chungkhar hna he aa naihniam mi nih an chim. KNU le PDF nih Myawaddy khuapi an lak lai timi thawng a than caah ralhrangbu nih KNU Brigade-5, 6 le 7 cu biatak tein nam an timh tiah theih a si. Atu hi Karen le Mon ramkulh ah ralhrangbu nih ralkap thazaang an chap thluahmah. Mon ramkulh Bilin peng Siwei (စည်းဝေး) khua pawng i miakpi kaptu bu (အမြောက်တပ်) umhmun ah hriamnam tam nawn an bunh cang tiah KNU Brigade-1 in ralbawi nih cun a chim. Vice-Senior General Soe Win khualtlawnnak kongah ralhrangbu lei nih cun zeihmanh thanhmi an ngei rih lo. Credit: TCP

Be the first to comment

Leave a Reply

Your email address will not be published.


*