THANTLANG AH AN TTIH TAKTAK MI MINUNG PAHNIH, CU AN SI KO HIH

CCNC: Sui Hlei Tial ruak khamtu hodah si? Malaysia ah nungak Sui Hlei Tial cu September 29 ah a nunnak a liam i a ruak hi Oct 3, 2020 ah Thantlang phakpi asi. A ruak a khamtu bik hi Thantlang Covid-19 runvenak main committee chung in Aung Shaw Myint (Thantlang myone ohchohzihmu) le U Tun Pwar (Thantlang myone cianmazihmu) an si tiah kan theih i an pahnih in kawl miphun an si veve.

Cu lawng silo in Thantlang myone lahwahkah, Thantlang myone pingngazihmu Thantlang myone yehmu (police officer), Thantlang myone tatanayehmu zong an si chih ve ti asi i an dihlak 6 an si.Nihin tiang ah Thangtlang khuanu-khuapa lei in duhlonak langter in lawmzawh le dawr khan in duhlonak langter mi a um rih lo tiah kan theih.

Aung Shwe Myint facebook. hika hi voikhat in hmehpiak law thantlang khuachung ah alor taktak mi le mipi zeihmanh ah aa kan rellomi Sui Hlei Tial ruak khuachung luhpi a duhlo tuk hmanthlak vialte na zoh khawh lai

Tun Pwar Facebook: hi ka hi voikhat in hmehpiak law, tutan ah kan farnu SUI HLEI TIAL ruak khuachung luhpi a duh lomi pa hmanthlak pawl na zoh khawh lai 

Tuchun sining kong:Kan farnu Sui Hlei Tial ruak tawlrelnak he pehtlai in pehzulh fianternak. 2020 October 08, zinglei 09:00-11:00 ah Thantlang penguk zung ah cozah zunglei nawlngeitu, khua nu/pa le TYA/TSC upa tonbiaruahnak kan ngei. A biapi in kan lungfah, ngaihchiatnak le biakhiahnak ngeitu Covid-19 main committee ah khuami le zatlang phu telh le ruahnak hal ding ah chimhruah a si.

2020 October 08, zanlei 1:00- 4:00 ah Chin ramkulh cozah in Vuanci Pu Soe Htet, Upadi Choh Pu Sonny Thang Cung, Chin ramkulh uknak zung bawizik, Palik bawizik le khua nu/pa, biaknak lei, ngaihchiatnak tong mi chungkhar le TYA/TSC kan i tel. Tonnak a dih hnu ah Ramkulh cozah le TYA/TSC lawng tel in tonnak ngeih ding in hal a si i a dih hnu ah kanmah le Cozah upa lawng zalong tein kan i tong.

Chin ramkulh cozah sin ah kan hal mi cu 1. Hi kongkau ah mizapi lei teltumnak in a zalong mi hlathlai phu (Independent Inquiry Commission) dirh i hmuhchuah mi fianhnak le dantatnak ngeih ding, 2. Peng huap Covid-19 Committee ah khuami teltumnak ngei ding in remhsiam ding, 3. Hihnu hmailei ah hi bantuk a um lo nakding le Covid-19 zulhphung he aa tlak in aho mithi zong nih thlaan hmunte ah an i vui khawh nakhnga tawlrelpiak ding. Hi a cunglei kan hal mi kong ah Chin ramkulh cozah nih ruahpiak ding le Statement siseh, thawngfianhnak tuahpiak ding in lehnak an kan ngeih.

Be the first to comment

Leave a Reply

Your email address will not be published.


*