KHAH TAX RETURN TUAH TIK AH THEIH HRIMHRIM A HAU MI CHEU KHAT

Tax Return” Tuah Tikah Theih Awk Tha Cheukhat.July thla cu Australia ram pumpi in kan i ngeih tuk mi thla a si. Kumkhat chung thideng in rian kan tuan i tax kan pek chung in zei maw zat cu pumpak sining le innchungkhar hoih cio in lak than caan a si. Atawinak cun Cozah tangka lei tuah ning in kum dih caan (Financial Year End) a si.

2018 ah Tax system thlennawnnak an tuah mi fehter a si hnu in rianngeitu (employers) paoh paoh nih kumkhat chung thla hlawh pek mi fonh dih mi (PAYG Summary) cu riantuantu pumpak pakhat cio sin ah kal ter ti loin ATO sin ah direct in kuat dih a si. Upadi in ser chih mi a si. Mah kuat mi cu aho paoh nih fawi tein zoh le lak khawh a si.

Mah laknak cu MyGov a si i Account ser hrimhrim a hau mi a si. Tax agent sin zong ah tax return na tuah ter ahcun na MyGov account tho tho in tax return an tuah piak a hau lai. Tax return cu 01 July in 31 October tiang on a si.COVID-19 ruangah Tax Return kan tuah tikah tangka tampi kan hmuh lai? Asiloah, zei tal Cozah nih an thlen mi a um hnga maw ti hi mipi zong nih zoh bik le ruah bik a si.Theih awk thlak cheukhat hna cu;

Work from Home – Inn in ruantuan mi ca, 1. COVID-19 ruangah inn in rian a tuan mi paoh nih June 30 tiang na tuan caan nazii zat in claim tuah khawh a si. Nazii pakhat ah $0.80 a si lai. Zarh khat nazii 40 in na tuan ahcun $32 na claim khawh tinak a si hnga. 2. Electricity, gas, phone, internet le water tbk na hman mi Bill kha tha tein kenkawi a hau lai. 3. Inn in rian na tuan ruangah thutden le cabuai tbk cawk a herh mi thil hna caah $300 tiang claim khawh a si. 4. ABN rian tuah mi a ABN GST a tuah mi le small business a tuah mi nih cun $15,00,00 tiang write off an tuah khawh. Note: na ABN kha GST register na tuah lo ahcun a ngah lai lo.

Travel (Khualtlawn ruangah claim khawh mi): 1. Rian kalnak ah lam hla motor a mawng mi paoh nih kilometre kha tha tein loh book chung ah chiah in claim khawh a si. 2. Kilometre pakhat ah $0.68 in claim a si ikilometre 5,000 tiang lawng claim khawh a si. 2. Thlahlawh pek in riantuan mi (salary workers) siseh, ABN in riantuan mi ca zong ah claim khawh a si. Note: mah ka zawn hi ralrin ngai a hau mi a si.

Clothing & Dress (Thilhrukeih kong ah): 1. Riantuannak angki, bawngbi le bukkaden tbk hi claim tuah khawh a si nain ralrin ngai ahau. Kan riantuan industry hoih in a kal. Atawinak in sathahnak hna khi a company lei in thilri pek dih mi an si caah thilhrukeih kongah claim tuah awk a har ngai. Kum khat ah $54,000 tang a hmu mi na si ahcun riantuannak caah thilhrukeih kong ah hin $300 cung claim tuah lo ah a tha bik.

Capital Gain Tax (CGT) – Ngeihchiah zuar in ngunkhuai pek le tax pek kong ah: 1. Rian a tuan ko nain inn le lo a zuar le stock shares lente ai celh mi nih a rian tuan mi in a hmuh mi income leng ah inn zuar silo share zuarnak an hmuh mi tangka paoh cu tax an pek hrim hrim lai. 2. Na inn zuar le share zuar mi chung in a miak na hmuh mi a tam deuh paoh na tax pek mi a sang deuh ve lai. 3. Ka inn lo zuar mi le share zuar mi kha ka sung tiah na claim ahcun a dang rian tuannak in na hmuh mi income zong tax na claim chih kho ti lo.

Biahalnak a um theo mi; A. ATO nih kan Tax hi kum zei zah chung dah an zoh zohthannak nawl an ngei? ATO nih na tax return tuah mi hi kum 2 chung kherhhlainak nawl an ngei. Mah chungah a hman lo mi an hmuh ahcun aluancia kum 4 chung ta an zoh than lai. Cu i na fellonak an hmuh than hoi ahcun kum tampi tiang dawi khawh a si. 2. Kum zei zah dah Tax return na tuah mi hi na kilkawi peng a hauh lai?Tax return a tuah mi paoh tha tein na fim peng lai. A tlawm bik kum 7 chung hi cu felfai tein chiah khawh hrim nai zuam lai. Ref:CBN