TANGKA TAMTUK PEI AN RAK PHALH HNA HI, MINUNG PAKHAT NIH TAMTUK AN HMUH

Nizan Hakha NLD cawlcanghnak an tuahmi lunghring ngaingai pei a rak si diam hi. Hibantuk cawlcanghnak hi tutan an vun langhter ning ahcun khuaruahhar taktak pakhat cu a si ko. Nizan Hakha NLD cawlcanghnak cu zapi nih kan theih bangin khuaruahhar lei in minung zong an tam i, mipi zong an khuaruah ahar ngaingai hna ti a si.

Nizan Hakha NLD cawlcanghnak kongah Laimi minung tampi nih an lungthat lonak an langhter cio. Minung tampi nih an timi cu Chinram khualipi Hakha ah NLD mah vialte minung an rak um hi kan thei bal lo i, a zumh hmanh kan zum lei hna lo. Kawlrawn lei ah CNLD cawlcanghnak an tuahmi kan zoh tikah Laimi lawngte an si hna i, CNLD cawlcanghnak ah Kawlmi hrimhrim an i tel timi kan thei bal lo tiah an chim.

Zeiruangah dah Chin party a um ko nain kawl miphun hruaimi NLD ahcun Laimi mah vialte hi an rak chuah hnga tiah minung tthenkhat nih an chim rih. Nizan Hakha NLD cawlcanghnak konghe pehtlaiin Hakhua khuami pakhat nih a chimmi cu, NLD cawlcangh nak tuahnak ah rak i telve tiah sawmnak an ka tuah. Asinain ka timi hna cu kei cu miphun dirkamh aharh caah a zeidang ahcun kai tel lai e tiah ka ti hna ati.

Cun nizan Hakha NLD cawlcanghnak an tuahmi ah minung tampi hna nih minung an tam taktak e, Hakha i, mahtluk NLD an tam cu tiah aruatmi zong tampi kan um ko lai. Asinain khuaruahhar ding arak si lo. Aruang cu atanglei kan vun langhtermi cabia nih hin fianternak alanghter dih. Laimi cu harsa mi kan si caah lungtak lo a vasi pek ah hibantuk hi cu an tuah ko lai.

Zeiruangah dah Nizan Hakha NLD cawlcanghnak ah minung tuk an chuah timi konghe pehtlaiin Tawk Tling Thang nih hitihin cabia alanghter. Covid Hrik Sawmnak Nikhat caah Sing 40 leng an den ko. A vaak mi paoh minung pakhat ah thonghra an pek hna. Khuate lei in a rak tlungmi paoh thonghra an pek hna pin ah datsi an rawnpiak hna. A vaakmi lakah kawl an tam ngaite ( Lam rianttuan, Kawl pawl tangka phalh in an vahpi hna).

Hihi a vaak mi nih an chimmi asi. Nikhat Hakha khuapi chung vahnak caah ting 40 reng lo an den bak ko. Apaam tuk minung 400 hrawng a vak mi tuak in, mah tangka ting sawmnga hi covid thlopnak caah hmang deuh hna sehlaw zeitin? tiah nizan Hakha NLD cawlcangh nak kong he pehtlaiin Tawk Tling Thang nih a ttial.

Be the first to comment

Leave a Reply

Your email address will not be published.


*