SURNGEN KHUAMI VAWLEIPI HMAIKHAP LOIN A KAN CHIATU PA HI AHODAH ASI

Surngen Khua Mi Vawleipi Hmaikhap Loin A Kan Chiatu Pa Hi Aho Dah Asi? Surngen khua hi kum 700 an tling ve cang mi khua pakhat asi ve. Pupa chan in ramuk bawiphun nih aa changchang tein uk peng mi khua le ram asi. An sal le an michia vialte zong dawt le rem tein a kilven kho mi khua le ram asi. Ramuk bawi nih ukmi ram asi caah dainak le remnak in a khat mi khua pakhat asi.

Lautu miphun vialte hrinso tu khua zong asi. Lautu miphun unau kan sinak fehternak/ lungrualnak/ biakamnak ro vui tu khua zong asi. Mirang nih 1896- in Chinram cu1947-48 tiang ramuk phung ning tein Ramuk bawi kha chief an pek hna i ramuk bawi nih uk peng mi khua le ram asi.1948 – 2008 tiang zong ralkal uk chan asi nain ramuk bawi phun nih 100% chungah 95% cu khuabawi an tuan peng mi khua le ram asi.

Miphun dang le khua dang nih surngen khua le ram an phan ahcun an i nuam i an hna ngam. Cu caah aa nuam mi khua le ram asi tiah a phan bal mi paoh nih an ti tawn.Nihin 2010 in Democracy Chan kan phan cu freedom kan hmu ve cang kan ti i kan freedom taktak ko. A tha tuk ko mi vialte nih freedom kan duh cio mi asi sal chan, ralkap chan cu kan duh lo. Nain kan freedom hi a hman zia kan thiam ti lo caah kan caah freedom hi ralhrang (ISIS) bantuk asi.

Democracy cu minung vialte tluk rual nak asi cang ka ti i, tluak rual tein um kan duh kan ti caah a tha tuk ko kan duh dih ko. Nain kan i tluakrualnak hi bawi sinak ah kan i lak ruangmang i ralkap uk chan nak in kan zual deuh cang. Tluk rual nak hi zeidah asi ti kan i fiang lo. Kan covo kan duh kan ti kan covo zong a hman zia kan thiam lo, sal chan, ralkap uk chan tu kha kan caah a tha deuh hlah maw tiah ruah awk a um ngai.

Khua le ram miphun cungah buainak a chuah ahcun hruaitu thalo ruangah asi ticu mipi nih kan fianmi a si. Kawlram zong kum 60 chung buainak a chuah i tlangcungmi vialte nih ral kan tho mi hi hruaitu pakhat that lo ruangah asi. Hruaitu that lo ahcun khua le ram a rawk, peng le tlang aa rawk, community le khrihfa buu zong aa rawk ti cu elawktha loin zaapi nih kan hmuh kan tawn cio mi a si.

Kan bible chungah Levi miphun cu Pathian nih hruaitu caah a thimmi miphun an si. Nihin Pathian nih thimmi hruaitu kan si a herh. Cu caah hruaitu kan thimmi hna hi Pathian nih kan caah a kan thimpiak mi hna le Pathian nih a umpimi minung an si a herh.bY Chawche Bawi Hlei Cung. Credit: Chawche Bawi Hlei Cung fb

Be the first to comment

Leave a Reply

Your email address will not be published.


*