SURBUNG AIRPORT HI SAN ATLAI TE HNGA MAW? ARUANG VUN ZOH

Chin State Surbung airport tlamtling in an tuah khawhmi ah i lawmh tuk cio a si. Mah balte, anih nih parliament ah a hal caah ti le amah thawng in ti an ttial le an chim tam ngai ka theihmi nih kai lawmhnak a zorte ngai. I lawmh cio ko loin amah thawng in tbk hmuh tik ah kan i lawmh cio nak a zor phah. Airport kan ngeih cang caah official page zong ttha tein ngeih cun ttha.

Khual tlawng pawl ( tourists) nih information an I chirhchannak caah a herhmi zong si. Nain page an sermi khi kei cu ka lungtling lo. Surbung airport khi mi tampi nih kan hmang kho lai maw ti keimah ruah in ka ruahmi cu, lam le sul a tthat tuk lo caah an hmang kho lai maw ti hi si. Goole in ka zohmi chak lei Chinram pawl.

Hakha-Falam : 41 miles reng lo, Thantlang- falam: 58 miles reng lo. Tidim- falam: 75 miles reng lo, Matupi- falam : 211 miles reng lo ( talh chih ). Mah hi si. Falam in Surbung kha 8 miles a si ti a si rih hoi. Hakha- Mandalay : 273 miles reng lo, Hakha- Yangon 586 miles reng lo ( 944.1 km )… nazi cun 16 hours google maps chirhchan cun si.

Lam le sul ttha tein an tuah cun Surbung airport khi chaklei Chinmi nih cun an hman khawh/ duh pah lai nain lam le sul a chiat cun a si kho lo ngaimi si. Tidim lei ca hna khin cun bus in va kal an duh deuh lai. Matupi cu chim awk um ti lo.. Google maps in Hakha- Yangon khi zoh cun 16 hours lawng rau. Ni khat hmanh a tling lo nain ni 2 cu kan rau in ka thei Kawlram um nih an theih lai. Lam a chiat caah lam hi biatak thlak in ser hi a herh tuk ah kei cu ka ruah ngai.

2012 kawlram ka tlun lio ah Mandalay- Hakha motor cit cu a har taktak khi si. Nain Yangon- Mandalay cu vanlawng cit he ai dannak a um lo.Lam le sul tha tein an pemh lo le an tuah lo cun vanlawng hi a tam u nih an hman duh te lai ka zum bak lo. A man nih le a fak fawn lai caah. Ram leng in kawlram tlung nih National airlines pawl cit cu a har tuk tiah an zai chim ka theih ngai fawn.

2012 ka tlun lio zong khan kawlram vanlawng cit ta ka duh ko tiah ka u nu ka chimh len nain nai chir lai bus tuin laitlang ah tlung ko usih a rak ka ti hoi.Hei chim duhmi cu Surbung airport kan ngeihmi hi santlai a si te hnga maw ti khi si. Credit: Van Van Cinzah

Be the first to comment

Leave a Reply

Your email address will not be published.


*