SUNG HLEI INN, MINO NIH AN DEN PIAK COLH, AN NUNNAK AHIM TILO

Zahan kha Salai Tluangte tlaihmi HCJ(Hakha Campaign For Justice) page nih Sung Hlei le Mih Nge cu ralkap thawng petu an si tiah an hmanthlak le an umnak tiang a langhter dih. Cutikah mino tampi an thinhung i ‘thah colh ding an si’ timi comment le catial tampi hmuh khawh a si. Zaan lei ah Sunghlei a inn cu mino nih an den piak colh tiah thawng ka theih.

May be an image of 1 person, beard, standing and text that says "23:28 <Salai Nun Hlawnceu Salai Nun Hlawnceu LOVE IS ACTION Add Friend Editor at The Hakha Post Lives in Haka, Chin State, Burma From Falam, Burma Joined on December 2018 Followed by 1,815 people"

An nunnak zong a him ti lo, an nun chung an min a chia cang lai. An caah cun nunnak sungh bantuk khi a si cang. Mah pahnih hi ralkap thawng petu an si taktak ko ahcun thawl an ton zong ah velh an ton zong ah a poi ka ti bak lo, nain thawng a petu an si taktak lo ah teh, zeitin? timi ruah awk cu asi. Salai Tluangte cu February 2,2021 zong ah VP Van Thio kha Min Aung Hlaing kuttang ah Vice President a tuan than tiah thawng diklo a rak tialtu pa kha a si.

May be an image of 1 person, flower and nature

Sunghlei le Mih Nge kong zong ah zumh thlu awk a tha hnga maw? Zeibantuk tet-te dah a ngeih hnga? Zeibantuk ka tial zong ah aho ka si timi an ka thei kho lai lo, mi nunnak a liam zong ah a poi lo’ timi ruahnak tihnung hi doh a herh, tuahmi cung ah tuanvo lak ngamnak accountability a um a herh. Cu ruang ah page tlaitu min zarhkhat chung ka kherhhlai i zahan ah ka langhter ve kha a si.

May be an image of 2 people

Relchih: Salai Lungthlitum nih ruah dawmh in hi page admin asi tiah Salai Tluang Te cu a puh. Ruahdomh in biachim hman ruang ah Hakha um mino hna an himnak caah a hnorsuan. Cucu Hakha Campaign for Justice Page nih kan mawhchiat.Hakha Campaign for Justice page admin ah Hakha um mi ho hmanh kan um lo. Hakha mipi le mino awaan ngeih in thawngthanh le thawngzamh a tuahtu kan si.

Salai Lungthli Tum hi kan mah Hakha Campaign for Justice platform hmang in Hakha Mino nih ralrinpek cia mi asi. Cuti ralrinpek cang ko i hiti a um cu amah hi ဒလန် taktak asi kha zapi sin ah a kan theihter asi. Tulio mipi harton caan ah mipi harnak ape tu poah cu mipi ral nan si. DalanLungthliTum tiah Hakha Campaign for Justice nih an langhter.

Be the first to comment

Leave a Reply

Your email address will not be published.


*