SUI THANTLANG AH THAWNGPANG TTHA TAKTAK A CHUAK CANG:VIDEO

Thantlang caah thawngpang ttha taktak a chuak cang. Vice President Pu Henry Van Thio thawngin lawmhnak niceu a chuak in a tlang tthan cang. Vice president cungah lawmh lo awk hrimhrim a ttha lo. Thantlang mipi caah a sunglawi tuk hringhran. Hi tluk thawngpang ttha hi a um ti lai lo ti khawh asi. Aruang cu minung kan nunnak ah Dinti hi a biapi taktak mi asi caah asi.

Tutan ah Thantlang caah thawngpang ttha taktak lawmhnak ni a tlangmi cu Vice President Pu Henry Van Thio bawmhnak thawngin a si. Pu Henry Van THio bawmhnak thawngin Thantlang Sianginn sangah Din Ti tikhor an cawhmi cu tlam atling cang. Ti a chuak mi zong hi lung ahmui taktak. Dinti a chuakmi hi suimilam pakhat Gallons thongnga a si.

Zankhat ahcun Gallons thong hlei hnih a chuak kho cang. Cucaah Thantlang mipi hna nih Dinti cu kan hman in kan din khawh cang lai. Tutan ah Dinti an hmuhchuah mi hi Pu Henry Van Thio bawmhnak tthiamtthiam in tuahmi gallons thongsawmnga tlum asimi Ti inn ah an thlak rih lai. Cu hnu ah mipi sin ah phakter colh a si lai.

Hi thiltha a tuahtu hi Laimi or CHIN MIPHUN a daw taktak mi Kawlram vice president Pu Henry Van Thio asi. Vice president cungah lawmhnak angantuk hringhran. Culawng siloin mipi caah tiah biatak tein rian attuantu tawlreltu upa cung zongah lawmh a umtuk hringhran. Hi thawngpang konghe pehtlaiin a tanglei hi Thantlang Sipin bawi nih attialmi asi.

Vice-President Pu Henrry Van Thio bomhchanhnak thawngin thantlang sianginn sang dintikhor cawhmi cu nazi pakhat ah gallons (5000)၊zankhat ah gallons (120000) kan chuahkhawh cang i rauhhlan ah thantlang mipi nih kan din khawh cang lai. Hi dinti chuak hi Vice-President Pu Henrry Van Thio nih akan bomhmi tiinn gallons (50000)tlum tiinn ah kan thlak lai i mipi sinah kan phakter lai. Mipi zawn aruattu kan pa Henrry Van Thio nacungah lunglonhnak mitthli aluang ee. Bawipa nih thluachuahza he indirpi in lam in hruai ko seh. ht MAH KA HI VOIKHAT IN HMEHPIAK LAW VIDEO ZOHKHAWH ASI

Relchih thluak atthawntertu: Ka thluak ttha seh tiah aduhmi paoh nih Putinan ei lengmang ding asi. Thiamsang hna nih dottletnak an tuahmi ah Puttinan hi thluak tthatnak asi tiah an hmuhchuah. Cucu lakphakti ah Puttinan an thlak mi in thluak tthatnak a si timi hi an hmuh chuah mi asi. Putinan cu Laimi zong nih kan duh ngaingai mi thil pakhat asi. Aman zong a fakmi thil a si lo. Cun Laimi tthenkhat hna nih cun kanmah le inn pawngkam ah kan cin cio hna i, a ei hmanh kan ei cawk lo.

Laimi tampi nih kan theih ning cun Putinan hi mitkuh thawtnak asi tiah rak ti lengmang mi asi. Sihmanhsehlaw atu ahcun Thluak tthatnak asi timi an vun hmuhchuah tthan tikah eipiak lengmang ding asi cang. Northumbria University ah thiamsang a simi Dr Mark Moss le Robert Jones, Cun Lucy Moss hna nih hi konghe pehtlaiin dottletnak an tuah. Dottletnak an tuahmi chungah an hmuhchuah mi cu British Psychological Society Annual Conference, Nottingham ah tlangzarhnak zong an tuah cang mi a si. Cu an hmuhchuah mi cu atanglei bangin hin asi.

Minung 180 hna cungah hi dottletnak kan tuahmi asi. Putinan kha Lakphakti ah kan cawh in kan dinter hna. Cun Tilum zong kan inter hna. An din hlan ah hin biahalnak tuahter an si. An din hnu minute 20 hrawnghrang ah an thluak kha kan test tthan hna i, biahalnak dang lehnak tuahter tthan an si. Cucu ticun hihi kan hmuhchuah mi asi.Putinan lakphakti ah telh minung hna cu an thluak an memory a ttha deuh tiah an chim. Putinan cu tluak tthatnak a si caah minung tampi hna nih eipiak lengmang ding asi i, Lakphakti zongah telh in din leng mang ding asi timi kha an hmuhchuah. Pumpak cio zong nih lakphakti ah telh lengmang ve hna usih. Ram tthenkhat ahcun Lakphakti ah hin Aithing siseh Putinan atelh mi an um cang ti asi. TIO

Be the first to comment

Leave a Reply

Your email address will not be published.


*