SUI PENG NIH REV DAVID RALTHANG MANG A LEH PIAK CANG

Rev David Ral Thang amang i a hmuh mi konghe pehtlai in kai lung si deuh lo mi van langhter ta ka duh. Toifiangtein si ko seh Sazapa nih a mang i a hmuh mi cu thil pa (3) an si. cu hna cu sia, Vakok, Conlopuan hna hi an si ati. A hmuh mi thil pa (3) cu avan fianter nak cu CNLD hi a sawh duh mi asi tiah a van fian ter.(1)Miphun funtom tertu asi lai, (2)Dialect lungput a tlau tertu asi lai, (3)Myone lungput a tlau tertu asi lai, (4)Tlangcung le nelrawn,ramchungle ramleng a kan fun tom tu asi lai.mah hihi bawipa nih a ka hmuh ter mi asi ati.

Van fianter duh mi cu sazapa i thil pa (3) a hmuh mi hi a hrilh fiah ning hi a si kho lai maw ti mi ka rel khoh cang ka in ka van ruah colh mi cu,ka hmuh a ti mi cu a hmuh ko tiin ka zumh khoh bakko. Asi na in a fian ter mi cu asi lai tiah ka lung a tling kho lo. ARUANG Ahmuh mi cu thil pa (3) bak asi.a sul lam tu ah cun thil pa(4)in a fian ter.

CNLD (4) CUN A Phi a pek mi number (4) tiang in a pek than rih.Pathian nih a hmuh ter mi hi cu a sullam ai dang deuh in ka hmuh.A phi a kan pek piak mi hi cu CNLD siloin CNF tu hi hlah maw asi tiin ka zumh. Ahmuh mi kan tlaihtleng asi mi sia,vakok,conlopuan, hihna tuhi asi ding mi ah kuattih asi ti in ka hmuh piak ve , (1) C- sia (2) N-vakok (3) Conlopuan -F.

Sazapa a hmuh mi hi CNLD cu si deuh lo in CNF tu hi si a dawh ko. A ruang tam pi lak ah CNF tu nih hin a dawngh nak ah cun a zei lei poh ah lai mi kan ca lawng hmanh ah si lo in tlangcung mi dihlak le Nel rawn mi zapi tiang in ram than cho nak ding le bawipa a ram kauh nak ca tiang zawng ah bawipa nih tuan vo a pek te hna lai ti hi zumh a um ko. (Sazapa zawng nih phun dang in ruah piak lo awh ah kan nawl ko.) Sui Peng

Rev David Ralthang: Kan ram kong ah Bawipa nih a ka hmuhter mi visions: Atu cu CNLD caan a si cang” Vice President Pu Henry Van Thio kong ka rak chimchung mi Kum 2015 election lio ah khan Pathian nih Bia a rak ka chimter mi cu hitinhin a si. VP Pu Henry Van Thio cu voi 4 khengte NLD ah i pek ding in ka rak fial. A thaizing Laitlang ah ka kai. “Khah, Pastor pa na lung aa thleng maw? NLD ahcun maw kaa pek tak ko lai,” a ka ti i aa thleng lo e saya.

Laitlang ah Airport tuah ding Bawipa nih an fial e ka ti. Laitlang cu a kai le aa pe i a tling taktak. A tlin hlan zong ah Bawipa nih rian nganpi a tuan lai tiah a ka chimh. Cheukhat nih rian lianpi cu a tlai lai lo. A min a lang lo, an ka ti. Asinain, a tling ko lai, ka ti chih ve hna i a hung tlin taktak tik ah, a si ngai tak, an ti cio.

CNLD kong Pathian nih a ka hmuhter. 2019 kum May thla chung ah Nay Pyi Taw ka phan than. Zarhpini zing ah thawngtha chim ding ka si. A lai zaan ah NLD le Kawl party nih Tlangcungmi cung ah an lungput a thatlo ning cu hitihin Pathian nih a ka hmuhter.Atu cu, CNLD thantar a si mi Sia, Vakok le Conlo puan khi zaan ka mang ahcun ka hmuh. Asullam zong ka hngal hna lo. Pumh a dih in tonnak kan ngei hna i VP Pu Henry Van Thio cu ka ngamh nalote in, Saya Kawlrawn ahcun NLD nih teinak nan hmuh hmanh ah Laitlang ahcun NLD nih teinak an hmu lai lo, ka ti.

Kawlmi nih Tlangcungmi hna kan sin ah an lungput hi Pathian aa lawm ti lo. CNLD Party simplicity ka hmuh cang. Catial ka duh ko nain ka thinlung ah um rih, thil thalo tampi hmuh ding na ngei rih, ti hi ka thinlung ah a um peng ca ah atu lawng ah ka tial mi a si. Thil thalo ka tial lai lo nain Chinmi nih nan hmuh dih ko lai ka zumh.

Atu CNLD an hung chuah hnu lawng ah Nay Pyi Taw ka tlawn lio i Bawipa nih a ka hmuhter mi kha ka lung a pem than. Chinmi ca ah Bawipa nih CNLD hi a thawnter cang. Kum 2015 in 2020 tiang Pathian nih a ka hmuhsak mi vision cu a si. 3. CNLD cu; Miphun funtomtu a si lai. Dialect lungput a tlautertu a si te lai. Myone lungput a tlauter te lai. Tlangcung le Nelrawn, ramchung le ramleng a kan funtomtu a si te lai. Mah hihi Bawipa nih a ka hmuhter mi vision cu a si. By: Rev. David Ral Thang, Australia

Be the first to comment

Leave a Reply

Your email address will not be published.


*