Suh Kyi Cu Tei Nak An Hmuh Hnu Ah Ti Bak Hin Bia A Chim

Mee a pe mi rammi nan cung ah kaa lawm tuk: Daw Aung San Suu Kyi. 2020 Myanmar ram Thimnak, tlamtlingte le tluang tein a kan tuahpiaktu Rammi nan dihlak cung ah lunglawmhnak tampi ka ngei, tiah Myanmar ram Ruahnakpetu Daw Aung San Suu Kyi nih a chim.

“COVID-19 zawtnak rai um lio ah, thimnak tlamtlingte le tluang tein a kan tuahpiaktu rammi nan dihlak cung ah lunglawmhnak tampi ka ngei. Upatnak zong kan pek hna. Tutan thimnak ah, rammi nih humhimte le nan ngandamnak hnursuang lo ding tein mee nan pek khawh nakding hi, Cozah le Tuanvo Ngeitu nih biatak tein kan i zuam mi a si. Kan i zuam mi kan hlawhtlin ca ah lung a hmui khun.

Kan lunghmui khunnak a ruang cu; lungtho thanuam tein rammi nih mee nan pek ca ah a si i, keimah pumpak hrimhrim khuaruahhar in mee a pe mi nan cung ah kaa lawm tuk. Hi bantuk thil a si khawh mi hi, a hmasa bik ah kan lawmh ding mi hna cu; Union Election Commission-UEC an si i a pahnihnak ah UEC a bawmtu vialte kha an si. Asinain, cu hna nakin a cung ah a um mi cu rammi nan si, thiamthiam. Rammi hi a biapi bik nan si. Rammi tel loin zeihmanh tuah khawh a si lo.

Cucaah, tutan thimnak a tlamtlin mi zong hi rammi nanmah thawng in a si. Zuamcawhtu lian pahnih a si mi Thimnak tuah ding le COVID-19 i runvennak ah, Thimnak cu rammi nih kan tei cang. COVID-19 i runvennak rian zong rammi lila he, i bawm in kan tei than lai. COVID-19 rai ruang ah, leng chuak ngam loin, mee a pe ngam lo mi zong nan um, kan ngaithiam u. Mee peknak hmun tu ahcun, COVID-19 i runvennak tuah dih a si ko. Mee a pe kho lo mi, rammi nih, Cozah kan ngaithiam u,” tiah Myanmar ram Ruahnakpetu Daw Aung San Suu Kyi nih a chim.Crd: DVC

Be the first to comment

Leave a Reply

Your email address will not be published.


*