SHARE CIO UH, RALHRANG RALKAP NIH HAKHA THILTUAH AN TIMH CANG

Abiapi taktak mi a si caah pakhat le pakhat i chim cio hna usih. Thawngpang a thei lomi hna zong an theih khawhnak dingah share tuah hna usih. Hakha Mipi ralrin peknak an tuah cang. Chinram khualipi Hakha khuapi i sang cio ah khuabawi thim ding in ralhrang kawlralkap hna nih timhlamhnak an ngeih cuahmah lio a si.

Hi konghe pehtlaiin hruaitu hna nih thawngthanhnak an tuahmi asi caah ahopaoh nih zulh khawh i zuam cio hna usih. Ralhrang kawlralkap hna nih khuabawi thimnak konghe pehtlaiin timhtuahnak an ngeih mi cungah mipi khuanu khuapa hna nih ralhrang kawlralkap kuttang rianttuan or timhlamhnak kan duh lo.

Cun ralhrang kawlralkap lei hna nih mipi sawmnak an tuah dingmi meeting ah ahohmanh kai lo dingin i zuam cio hna usih. Mipi vialte hna nih kan theih dingmi cu ralhrang kuttang ah rian kan ttuan lai lo i, Hakha mipi caah rian kan ttuan lai timi hi theih peng in, kan thinlung ah i sehchih hna usih. Ralhrang kawlralkap ah rian attuan mi le kan ral a simi Pu Ngun San Aung le Dr Ngun Cung Lian bantuk si hna hlah usih.

ဟားခါးပြည်သူများအားသတိပေးခြင်း. ဟားခါးမြို့ရပ်ကွက်များတွင် ရပ်ကွက် ဥက္ကဌများအား ခန့်အပ်ရန် စစ်ခွေးများမှ ပြင်ဆင်နေကြသည်။ မိဘပြည်သူများမှ စစ်ခွေး၏အစေခံမလုပ်ခြင်း၊ သူတို့ဖိတ်ကြားသော အစည်းအဝေးများ မတက်ရောက်ခြင်းဖြင့် မိမိတို့လိပ်ပြာကို သန့်သန့်လေးထားကြရအောင်။ ပြည်သူတွေအတွက် အလုပ်လုပ်မယ် ဟားခါးမြို့အတွက်အလုပ်လုပ်မယ်ဆိုပြီး တာစူခဲ့ကြသော စစ်ခွေးအစေခံ ပြည်သူ့ရန်သူ Ngun San Aung နှင့် Ngun Cung Lian တို့လိုထပ်အဖြစ်မခံကြပါနှင့်။ Credit: Hakha Campaign for Justice.

May be an image of text

Relchih:Fingreicat ah thisen le mitthli he aa bualmi ralram Kalay ah, April 7, 2021. Zinglei sml. 5:30 hrawngah ngakchia pakhat te a ra, a kan zoh len lio hna ka hmuh. Ngakchia pa te cu Barani lam lei ah a kal hnu minutes pahnih tluk ah ralhrang hna nih meithal in an kan kah colh, kan zaam lai kan ti ah ka hmailei cun an rak khat dih manh,” tiah KBZ-2 Bank hmai khan-tat ah a um i a luat manhmi paratha pakhat nih a chim.

Fingreicat caan cu arkhuan caan a si, tuzing cu ar zong khuang ti loin meithal thawng nih khua mipi vialte hmawhmang bu le launak he a kan thangh dih. Thlavai a kiang, inn ummi nih zei tuahawk zong an thei cio hna lo. Fak nawn in meithal thawng a than cu sml 2 tluk a si, chun nitlak chak le thlang in meithal thawng tete theih an si peng rih. Lampi cung le lam teng-nge hna ah ralhrang hna nih hmunhma an la dih.

A hohmanh a dimhdorh lo! A hmaiah an hmuhmi minung paoh cu an ral an si dih.Hriamnaam aa putmi le put lomi zong a dimhdorh lo, lam cung ah bazar kai in motorcycle he a kalmi zong an luat lo, mah tein inn ah a um i vok rawl a pe cuahmahmi putar zong an lut lo i zung lawi caan a phak cang caah zingkaa te in mah le inn lei a tinmi pa zong a luat hlei lo. Minung ruak le thisen cu lam cungah zeimawzat an khat. An kut in an thah ciami minung cung zongah thlachiat an ruat hlei lo.

Vawlei ah an rawt i an motor cungah saram phurh in an phurh. Lam cungah ruak a um ti theih zongah hohmanh chuah ngam a si lo. Anmah nih an i kalpi hna i an ralhrang siizung ah an chiah hna. An chiahmi ruak hna zong cu tuzan ah lak ngah a si rih lo, thaizing ah lak khawh a si te lai tiah thawng an thanh. Ruak a latu ding chungkhar ca zong ah thin a phang, cheukhat khua ah ruak latu hna an rak tlaih beh hna! Zinglei sml.10 tiang khan cun minung 7 an nunnak a liam cang ti a si, a thimi an karh than i atu tiang ah cun minung 11 nunnak a liam tiah kan theih than.

Hliamhma a tuarmi minung 20 leng an si. Anmah ralhrang lei cun hohmanh nunnak liam dawh a si lo, liam hmanh hna sehlaw ho nih fiang in theih khawh a si lo. Hi lakah a nung in an tlaihmi minung tampi an um rih! An mit an huh hna i lam cungah saram hrem in an hrem rih hna. An duhning paohmah le paohmah zeimawzat in dat an tat than te lai.Minung 30 leng cu tuzan ah an nu le pa, an fanu fapa le an nupi le nih zanriahei caan an hngah, nain tin zai an rel ti lo.

Minung 11 cu an ruak he an inn an kir lai i a dang paoh cu tu hnu caan zeimawzawt hnu lawngah an ruak he maw an mipum in dah innlei an phanh te hnga!Tukum dothlennak Kalay peng ralram ah ralhrang kut in nunnak a liam cangmi minung 30 fai kan si cang. A caan a rau i Mino kan thazaang zong kan zor ngai cang. Rawlei zong chung pil kho loin kan thazaang zong a ba ngai cang.

Thazaang (hriam le set beuiha) lei cun kan tei kho bak hna lo, nain kan thinlung cu tuni tiang a kan tei ve hrimhrim rih lo. Maw fingreicat ah thisen le mitthli tlaknak in a khatmi Kalay ralram te aw,Ni ceu dawh te van chuak cang ko mu tiah Kalay khuami nih mitthlai he kan in nawl, hi hnu ah nunnak a liam chap than dingmi kan ruat kho hrim ti lo. Credit: Za Bawi Thawng.

Be the first to comment

Leave a Reply

Your email address will not be published.


*