SHARE CIO UH. MAN LOIN OXYGEN KAN PEK HNA LAI: PU CUNG HU

Cung Hu bantuk minung Laimi nih kan rak i ngeih hi cu Pathian nih thluachuah ngan taktak an kan pek, kan vantha tuk hringhran. A hlan tein mipi caah le harsa caah a si khawh chung in a cawlcang, a si khawh leng tiang in a cawlcang, Thisen pek a hau mi caah siseh, ngaktah buangro Sizung kal nak a ngei lomi caah a siseh, a kapkip in Laimi an kan dirkamh tu kanpa taktak a si.

Atu zong ah a taang lei bantuk hin thawngthanh nak an kan tuah tthan. Na hawi le share cio hna law. Cung Hu nih a chimmi cu, Nannih nih man pek lo in nan hmuh i man pek lo in va pe ve hna u.” (Matt 10:8b) HOPE Blood Donor Organization(Hakha) nih Oxygen dawp a herhmi hna caah kan ngeih chun Oxygen cu man lo in nan hman khawhnak lai kan si khawh chung in kan i zuam lai.

May be an image of indoor

Oxygen rak lak ding ah Motor na ngeih lo ah cun nan inn hmai ah kan rak in pek hna lai a tuahning kan in chimh hna lai. A haang rawn man siseh, phorhman siseh ho hmanh phaisa nan pe hnga lo. Nunnak thaw hi a tu lio ah cun a man khiah khawh lo lio caan a si. Bawipa sin in “Nunnak Thaw”cu man lo in kan hmuh bang kan nih zong nih man lo in “Vawlei Thaw” cu kan in pek ve hna lai. Jehovah Pathian nih Sunpar CO ko seh. Cung Hu, Tel: 09 400305298, 09400905298.

No photo description available.

Thawngpang dang:COVID-19 Kham Sii Ting Tampi Myanmar ah a Phan Lai tiah Dr. Sasa nih Chim, A rauh hlan ah Myanmar ramchung ah COVID-19 runvennak sii ting tampi Myanmar ram ah a phan lai, tiah Dr. Sasa nih nihin zaanlei ah a Facebook ah a tar.Myanmar ram ca ah COVID-19 kham sii hmu kho ding in ram kip mibawmtu hna le zatlang bu hne he chunzaan in pehtlaihnak kan tuah,” tiah a langhter.

A rauh hlan ah Myanmar ram ah COVID-19 runvennak sii million in a rak phan cang lai,” tiah a langhter chap. COVID-19 runvennak sii tlamtling in a phak khawh nakhnga le zapi nih an i chunh khawh nakhnga rammi le rammi i bawmh timi lungput in kan ttuan tti hna lai. Rammi an biapi bik timi lungput he ning le cang ngei tein kan tawlrel lai,” tiah Dr. Sasa nih pehzul in a langhter.

Cun, Myanmar rammi hna nih bawmchantu tthatthi ngei loin COVID-19 zawtnak fak tuk in kan tuar lio ah Oxygen chuhnak le nunthap nih mizaw a zohtu sibawite tlaihkhihnak a tuahtu SAC ralhrang cung ah Dr. Sasa nih mawhchiatnak fak ngaiin an tuah chap.Atu bantuk in SAC ralhrang nih ruru hranghrang in thil an tuahmi hi nuhrin covo direct in buar a si,” tiah a chim.

Dr. Sasa (NUG) nih an tawlrelmi COVID-19 runvennak sii pawl hi aruah hlan ah a phan lai tiah ti a si nain zeitik ah dah a phak lai, zeitindah ramchung an luhpi lai, zeitindah sichunhnak tuah a si lai tibantuk fiang in zapi sin ah langhter a si lo. Credit: The Chin Journal

Be the first to comment

Leave a Reply

Your email address will not be published.


*