SHARE CIO UH A SUNGLAWITUK HRINGHRANG THAWNGTTHA TUK SI

Australia Citizenship Kongah Thawngtha Taktak Asi.Rak Share Cio Ve Uh. Chin Miphun nih ID ngeih lo ruangah Citizenship soknak ah kum sau nawn a hren mi hna mincazin (Thawngkhat ) leng cu tuchunah Department of Home Affairs sinah tlamtling tein kan pek cang hna. Sanetor Dean Smith nih Chin ram ah Birth Certificate kan hman lo nak, kan ngeih khawh lo nak le UNHCR nih ralzam in apom mihna cu Australia Cozah nih ID hal lo dingin caan sau nawn a kan zuam piakmi cu Bawipa thawngin a tlamtling cang.

Department of Home Affairs nawl ngeitu hna nih Citizenship soknak kongah Kawlram lei ID (Birth Certificate) tibantuk cu kan in hal ti hna lai lo.UNHCR nih ralzam ah a rak pom cang mihna pawl cu consent form nan ttial lai i Australia Cozah nawlngeitu hna nih hlathlainak kan tuah hnuah cohlannak kan tuah lai tiah tuchun ah thawngtha taktak an kan thanh.

Zumhlomi balte an um sualah cun hleihlainak kan in tuah tthan hna lai tiah an kan ti.Western Australia Perth ah Citizenship an pekmi hna, interview an auhmi hna le (1399 Form) Declaration Of Service an ttial termi hna an tam pah cang.Citizenship soknak kong le Interview tuahnak kongah Australia um Chin Miphun hruaitu upa dihlak meeting tuah dih hnuah mah le community coiah thawng kan thanh tthan te lai. Credit: Renny Ceu L Mang

May be an image of text that says "AUSTRALI COMMONWEALTH OF AUSTRALIA Australian Cüizenship Acı 2007 Australian Citizenship"

Relchih: Kalaymyo NLD khuate khuabawi nupi tel in minung 3 an tlaih, tangka sing 70 leng an fir. Kalaymyo Aungthitsar Sang NLD khuabawi nupi tel in minung 3 cu nizan August 18 zing ah SAC ralkap nih an tlaih hna i tangka sing 70 (Ks.7,000,000) renglo an fir tiah theih a si. August 18, 11:00 AM hrawng ah SAC ralkap pawl motor 5 in U Myint Than inn ah an ra i biahal ding kan in ngei tiin an tlaih.

Cun, Ko Htwa Po inn ah an kal i amah cu a zaam. A herh mi ca pawl le tangka sing 30 an lak. Cun NLD in U Than Tun inn ah an kal i a nupi Daw Tin Tin Po an tlaih pin ah tangka sing 70 an lak. Mino pa pakhat zong an tlaih i U Myin Than tu cu August 18 zaanlei ah an thlah than,” tuah khuami pakhat nih a chim, tiah Zalen nih a tial.

Be the first to comment

Leave a Reply

Your email address will not be published.


*