SAYACI TLUANG ZATHANG NIH CDM ATUAH LOMI ADIRKAMH HNA

Hakha GTI sayaci Tluang Za Thang nih CDM ai tel lo hlei hlei ah a zung rian tuan pawl CDM atuah lo mi a dir kamh hna. Kan Sianginn ah Hmunphiak, Zaanriak le General Workers pawl CDM a tuah kho lomi minung 20 hrawng an um. Thlakhat an lahkhat chuahmi 250,000/- cio hrawng si. An zapi tein atu buaibainak a dih hlan lo thla chiar tein lahkhah tlamtling tein kan pek khawh ko hna lai atimi nan um ahcun (Aamahkhaan in) ka chim uhlaw kan chimhpiak hna lai.

An pawcawmnak ah an lungre a thei tuk ve mi hna CDM tuah uh ti peng cu fiangfai deuhin pumpaak zong in thawng vun ka thanh uhlaw ttha tein ka rak chimh hna lai. CDM tuah kan duh ngai ko nain kan lahkhah cu kan hmuh khawh ttung lai lo, zingzaan eidin ah kan har tuk lai anti. Thlakhat 50,000 , 100,000/- tibantuk bawmhnak lawng cu asi kho bak loh anti.

CDM tuah ahcun an zapi tein hmunkhat ah tuah an duh. Zung rianttuan cheukhat le Cachimtu zong mah cu an i harhnak bik asi ko.(nizaan ah post pakhat Kawlca in ka taar ko cang), (Anmah pumpaak kha hramhram loin CDM nan luh lo ahcun nan mual kan phoh lai tiah rak ti ti hna hlah uh tiah zaangfah kan nawl hna. Credit: Ba Na Na

Thawngpang Thar: Kawlralkap celh lo ah minung pasarih Mizoram ah atlimi an si cang. Tutan ah Mizoram arak zammi hna hi Lungkawlh lei ah minung pathum an si i, Champhai lei ah minung pali an si tiah an langhter. Nizan ah khan Kawlram in Mizoram ah a rak zammi hna biahalnak an tuah hna i, kanmah hi Kawlralkap or Palek attuan liomi kan si tiah Lungkawlh khua ah aphanmi minung pathum hna nih an chim.

An peh rihmi cu kan bawi le hna nih lamzawhnak atuahmi hna cu meithal in kap hna uh aa kan ti. Asinain kanmah minung asiko mi kan kah khawh hna lo caah kan meithal kan chiah i, atubantuk in Mizoram ah kan rak zam hi asi tiah an chim. Nizan ah arak tlimi hna cu Palek le BDO E. Lungdar hna zohfelnak zong an tuah hna i N. Vanlaiphai Doctor hna nih RAgT Test an tuah hna, an result zong negative an si hna i, nizan ah khan Lungkawlh ah an riak tiah theih asi.

Hi konghe pehtlaiin Champhai ah a phanmi hna cu pa pathum le nu pakhat an si cang. Anmah hi Kalay Town in arak zammi an si i, minung pakhat tucu Tamu in a rak rami asi tiah an chim. Anmah tuhi cu February ni 28 le March nikhat ah Champhai arak phanmi an si i, DPRC building Champhai ah chiah an si hnu ah DIET building Champhai ah tthial an chung an si.

Kawlram ralzam Mizoram arak lutmi zohkhanhnak konghe pehtlaiin Champhai DC Pi Maria CT Zuali nih nizan ah khan thanhnak atuah. Home Department nih i zohkhanhning SOP atuahmi hi thatein zulh dingin Champhai mipi hna cu theihternak atuah hna. Culawng siloin Ramkheel le abuu thil kongah pehtlaihnaknak ruangah Kawlram cozah in harsatnak atongmi le an dirhmun thinphang asimi hna lawng ralzam ah cohlan an si lai.

Ralzam hna hi thatein chinchiah i, ID Card DC nih a tuahpiak dih hna lai. Cun damlonak pakhat khat kongah CMO nih certificate apek mi hna hmang in DC nih Movement permit apekmi hna dah tilo cun an umnak hmun camp in anmah nawl in chuahnak nawl pek an si lai lo tiah an langhter. Tuchun nitiangah mizoram cozah nih an theih khawhmi hi minung pasarih an si cang hna.

Be the first to comment

Leave a Reply

Your email address will not be published.


*