SAYA SANG HRE NIH NIZAN MEETING AN TUAHNAK KONG A CHIMMI

Department of Home Affairs hruainak in tuah mi Consultative meeting cu nizaan 5:00 pm – 6:30 pm tiang ka kai kho. An kan hal mi le ceih khan mi cu Australian values kong hi a si. Australian values kan ti tikah Australia miphun nih sunhsak mi tiin kan leh lo ding a biapi tuk. Australian values ti mi cu Australia miphun nih pom mi, cohlan mi le kal pi cuahmah mi nunphung hna khi a sawh duh mi a si.

An kan hal mi biahalnak le ka chim mi tampi chung in a tawi fiang tein langhter ka duh. Questions: 1. Nan miphun nih zei tluk in Australian values hi an cohlan. An thei maw? 2. Australian values nak in nan mah values hna hi a biapi deuh mi a um maw? 3. Zei tin dah Cozah nih Australian values kong hi ralzam communities hna nih an theih khawh nak ah fak deuh in rian kan tuan ning a si lai?

Ka chim mi tlawmpal; Chin miphun kan nunphung ah hin Australian values tampi cu ai peihtlai cia ve cang. University kai le English holh a thiam mi ca cun fawi tein mah hi Australian values a si ti cu an thei dih ko lai tiah ka zumh. Asinain, pumpak pakhat cio Chin miphun dih lak phone chonh in nan hal hna ahcun an thei lai ka zumh lo.

Cucaah, Cozah nih mipem miphun hna nih theih hna seh ti na kan duh mi kha cu kan mah ca tein nan kan leh piak a hau. Aussie kan ret hlan ah IOM hruainak in cultural orientation cawnpiak nak zong hmailei ahcun talh chih uh law – hmailei a rak phan mi hna nih fawi deuh in mah pawl hi Australian values a si ti an thei khawh deuh ko hnga.

Kan Chin miphun tampi nih rammisinak zong na kan pek tik lo ah le caan rau tuk in na kan chiah caah Cozah nih hin an rammisinak lak ter a kan duh lo. Rammi sin ah luh kho hna seh ti hi a kan duh lo tiah a ruat mi an tlawm
lo. Chin miphun lawng siloin mipem communities paoh cu an si lai ka zumh. Chin miphun hi community hmete kan si nain kan riantuan mi a tam taktak. Rammi sin hna zongah luh le tel tum kan duh tuk.

Asinain, Cozah nih hliah lang in na kan bomh mi a um lo. Service agencies le organisations sin ah bomhnak nan kal ter peng chung paoh cu a hlan bantuk in result nan hmuh peng ko lai. India le Malaysia ah IOM nan tuah ter mi hna Cultural Orientation class zong ah tha deuh in Australian values kong chim herh bantuk in grass root communities a si ve mi Chin communities sin zong ah practical deuh in na kan bomh ahcun nan duh lo result cu hmuh khawh a si lai.

Atu ka chim mi hi refugee communities hruaitu nih pom dih mi le Ministers hna sin zongah voi tampi chim cang mi a si nain zei pi ah nan rel bel lo. Adonghnak ahcun kan miphun sin ah fak deuh le practical deuh in nan luh le rian kan tuan tti lawng ah kan si ning le kan herh mi cu nan theih khawh deuh ko lai tiah ka chim. Credit: Sang Hre

Be the first to comment

Leave a Reply

Your email address will not be published.


*