Saya Cung Tin Uk, CNF/A Lawng Nih Kan Duhmi Federal Ram Ah A Kan Luhpi Khawh Lainak A Ruang

CNF/A nih hin Kan duh mi Federal Ram ah a kan chuahpi kho cem lai ka zumh.Chin miphun kan dihlak nih USDP/NLD/CNLD etc.. cu e kha e ti lo in CNF/A tu hi dirpi in thazang pe cio hna uh sihlaw ka duh mi Federal Ram ah tuancem ah a kan chuahpi kho cem lai ka zumh.kan Chin mifim upa hna le mino mifim hna le.

Sianghleirun(Univerity) siangngakchia hna le Catial thiam hna nih bia tak tein CNF/A hi dirkamh hna ulaw ,nan mah pumpak hrim hrim kha CNF/A ah rian tuannak ah kan ter piak u law ,mah ticun Federal Ram hi tuancem ah kan phan kho lai tiah ka zumh cem.Party dangdang kan t’anh hi atha ko nain Party an tam tuk tik ah Chin miphun kan vote an thenthek dih,kan vote thazang a ngei kho lo,

Chin Miphun vialte nih CNF/A hi dirpi in thazang pek in ,kan miphun dihlak hmunkhat teah bia pakhat kan chim(one voice) in CNF/A he kan chim kan tuan ti ah hin Kan duh mi Federal Ram ah kan phan atuancem lai ka zumh,Federal kan hmuh an awl bik nak lam asi bak ko lai ka zumh ko.Chinram chungah aum mi adangdang party or organization pawl nih hin cun Federal Ram ah fawi tein an kan chuahpi kho lai ka zum lo.

Federal ram kong ah hin lam pahnih a um i.Pakhatnak,election acuh mi political party (Hlutdaw athu ding mi hna) lei kap in asi.Hlutdaw lei kap in election a cuh mi tlangcung party pawl nih hin cun a chim cu an chim ko lai nain fawi tein cun federal hi an kan hmuh pi kho lai ka zumh loh.Adang kongkau ah fun tampi an tuah khawh mi a um ve ko lai.Hlutdaw ah bia pakhat fehter ding caah cun 100% ah 75%nak tam deuh nih an hna tlakpi ahau, 25% khi Ralkap an si cia, cun tlangcung mi party

tlawmpal,USDP tlawmpal, adangdang party tlawmpal le NLD party in atam deuh an si hna,cu tik ah bia pakhat fehter nak dingah 75%hmuh hi ahar tak tak mi asi.Pahnihnak,Tlangcung Hriamtlai phun le kawl ralkap le A Cazoh nih an tuah mi NCA le 21century Pinlong Nilakhan lei kap in a si. Kei cu Hriamtlai phu lei kap hin ka zumh deuh,A ruang Hriamtlai phun le A Cozah le Kawl ralkap hna nih an i ceihhmai cuah mah mi federal kong hi a tlamtling cun Hluttaw ah biafeh ter khawh asi, cu tik ah federal hmuh lawng hmanh si lo in Phunghrampi (Constitution) hman khi an remh kho i athar hmanh in an tial kho than, aruang cu Federal Democracy Ram kan ser lai tiah an i ceih cuah mah hna,

An ser khawh taktak si cun phunghrampi zong hrem asi lo le athar tial than hrim hrim ahau mi si lai.Tlangcung mi le Cozah le kawl ralkap an lung atling dih si cun Myanmar ram pumpi nih lungtling bang tuk asi..Pinlong biahren ah federal kong arak um cang ruangah tlangcung mi hriamtlai bu hna le Chin hriamtlai bu CNF/A nih kan thih ah thih tiin nunnak le thisen pampi pek in federal cu an hal cuah mah hna i, mah kong cu Hriamtlai phu le Kawl Cozah le Kawl ralkap hna he an i ceih cuah mah lio pi asi ko.Cu caah CNF/A nih hin Federal Ram kong hi a chim zong an chim i atuan zong an tuan cuah mah lio asi caah Chin mipi dih lak nih thazang kan pek hna i kan dirpi hna hi a biapi tak tak mi asi. CNF/A tluk in Federal kong a chim ngam i atuan ngam mi, party or organization Chin ram chungah an um rih loh..

Chinramkulh chungah a tu i an tuah cuah mah thanchonnak Lam/Vanlawng tualrawng /sitzung le adang dang pawl hna hi, NLD/USDP etc..pawl nih an lungtho tein an kan tuah piak mi ah ruat hlah uh asi loh,2012 ah CNF/A nih NCA min an thut lio ah an hal mi hna asi i mah an hal mi hna tu kha Cozah a rak tuah tu khi asi,CNF/A nih 2012 i NCA min an thut hnu in kan Chim ram caah thanchonak an hal mi hna tu kha Cozah nih an rak tuah khi asi.CNF/A thawngin asi ti hi kan theih fiang ve ahau tuk mi si.

Chin mipi nih kan hel cem mi le kan i hngahhlang cem mi cu Fedaral (Mah tein khuakhan lairelnak) hi asi. Mah kan hmuh khawhnak ding ah cun CNF/A nih an tuan cuahmah lio asi,an kan chuahpi kho deng mang cang.Myanmar Ram chung kan zoh tik ah mah tein uk nak ahmuh cang mi hna UWSA, Naga tbk…pawl khi Hriam naam tleih in an hmuh mi asi. Hriamnaam tleih lo bu in mah tein uknak le khuakhan lairel nak ahmuh mi myanmar ram chungah an um rih lo.Mah tein khuakhan lairelnak kan hmuh khawh nak hnga caah cun Chin Miphun Ralkap (CNF/A) kan thawngter ahel tuk mi asi.

Kawl Cozah sin ah bia an chim cio cio tik hmanh ah Hriamnaam tha a ngeih mi le a ngeih lo mi bia chim cu adang tuk lai,e.g mi he kan i velh tik hmanh ah khin Lung le thingtang a put mi cu kan tih deuh ko hna si lo maw.UWSA khi Kawl ralkap nih an do tuk bal hna lo aruang cu hriamnaam tha an ngeih ruangah asi,cun Kawl cozah le ralkap nih UWSA bia chim khi an el ngam tuk bal lo aruang cu an hriamnaam a that caah asi ko.CNF/A athazang athawng ah cun Chin miphun kan thazang athawng si ko, kan mifim ka pa le hna ramlak ah an caan tha vial te a hmang mi hi Chin mipi nih kan theih fiang i kan dirpi hna hau.

Miphun party t’anh hi atha tuk mi a si ko, nain fedaral ram ah hin cun an kan chuahpi kho tak tak lai ka zum lem loh, an kan chuahpi kho nak ding lam cu aum ko nain afawi lo. An tuah khawh mi cu 2008 phunhrampi nih a onh mi chungin kan miphun caah a um ve leng ko lai, e.g Holh cawngnak, miphun he a peh tlai mi puai pawl tbk.. 2015 ah khan Rakhine le Shan ah cun an mah miphun party nih tam bik teinak an hmuh ko, nain fedaral kong he pehtlai in an tuah kho ve lo, an mah miphun party asi mi hmanh Chief Minister an an ser kho loh aruang cu 2008 phunhrampi ning in central cozah nih an mah duh mi kha Chief Minister caah an chiah khawh caah asi, 2020 zongah cozah sernak le i hruainak ah cun 2008 phunghrampi kha zulh hrim hrim rih,

phunghrampi an remh khawh or athar an tuah khawh hlang poh cu Miphun party nih Chief Minister hmuh khawh ding hmanh hi afawi lo, e.g Chim ram ah MP 24 an um ding si 6 cu ralkap aum cia, mipi nih thim ding mi cu 18 atang, 18 ah hin miphun party chung in 17 teinak hmuh in 1 nih khan Central ah cozah aser kho dingmi party chung in teinak ahmuh ah cun, central party nih an mah party chungin teinak a hmuh mi pakhat kha Chief Minister an pek ko lai cu caah Fedaral kan hmuh hlang chung cu Miphun party hmanh nih an mah party chungin Chief Minister tuan nak ding lam hi afawi lo,an tuan hmanh ah Central cozah lei in state le division i Chief Minister pawl le Minister pawl hi duh tapoh in phuah khawh le rian in dinh ter khawh asi rih mi hrim hi a poi tuk i ruang chan nak a tlawm. Fedaral hi kan hel hrim ko cu cu CNF/A nih an tuan an chel chuah mah lio asi.CNF/A nih an kan hmuh piak lai tiah zumh a um khun nak cun 2008 phunghrampi leng lei an tuan i, phunghrampi nih an tlai khi hna lo.

Miphun party nih Chief Minister tuan khawh nak dingah ruangah awk lam pakhat aum i mah cu cu Funkomh Cozah ser hi asi. Funkomh cozah ser ahau ding dir hmuh kan phanh te si cun Miphun party caah ruah chan awk um te lai.Ruahchannak ngan pi he ,Chin miphun si nak miphun party na t’anh mi le tha na pek mi cu atha mi si ko.Note: “Sofa thutdang cungah thu in Ram ka daw tuk tiah media kip ah chim cu a fawi te ko, Thutdang duh ruangah ram ka dawt ti tu pawl hi tih nung cem le ram hrawktu bik cu an si.” ….” thimnak(election) lai hrawng lawng i ram dawtu pawl zong hi tih an nung tuk fawn”.
😊 I support CNF/A.😊
” I believe they will carry back Chin right to Chin people”
Crd ,SK Cung Tin Uk Zaathang

Be the first to comment

Leave a Reply

Your email address will not be published.


*