SALAI ZING HMUH NIH JACOB THANG FAKTUK IN A TTHUAT VE CANG

Salai Zing Hmuh: NLD nih Chin Ramkulh chung teinak an hmuh khawhnak hnga rian an khinh mi, Thantlang peng in Candidate ticket aa cuh ve mi Jacob Thang cu interview le Debate paoh ah zuu a rit zungzal ngawtmi zoh tikah Zuu Tama a si timi hmuh khawh a si.Tutan i CNLD in Van Tin Lian he Olivia Nu Page in Debate an tuah hna nak zongah zuu tama ka silo ee tiah ai silhnalh nain a zohtu mizapi nih cun a rii ti cu an hngalh cio ko lai.

Jacob Thang he upa pi a sinain a rit i bia an al paoh ah a hnapduk he ttah a hmangmi si ti zong kan theih.Cun tuzan an biaruahnak ah Salai Ngun San Aung timi nih mizapi theih tein debate zong a sawm i Jacob Thang nih zeitin dik a leh te hnga? Tuan deuh ah Olivia Nu page in hin Ngun San Aung nih debate tuah ding in a sawm nain Jacob Thang nih a ngakchia tuk a ti rua.

Cucaah Ngun San Aung zong nih a facebook cahmai ah ka ngakchia tilo Master a kaimi ka ti tiah a post mi kan hmuh khawh. Jacob Thang hi Engineer in Bachelor lawng a hmumi a si i Ngun San Aung Kawlram ah sianginn tha bik tiah theih ciomi Yangon University ah History i Master a kai liomi a si i Kawlram tuanbia le Politics kong ahcun tulio Laimi lak hmanh a za tiah ruahmi a si an ti.

Cucaah Jacob Thang nih ngakchia a timi hi a tih ruangah hlah maw a si timi zong kan ruat ii NLD nih Laitlang caah an i bochan ngaimi Jacob Thang hi Zuu tama a si sual hlah maw ti zong ka ruat. Credit: Salai Zing Hmuh. Note: Mah cabia hi kanmah nih pakhat taktak hmanh remh mi le chapmi a um lo. Salai Zing Hmuh nih a chimning le a ttialning tein vun langhtermi asi.

Relchih aduhmi caah: Vice President Pu Henry Van Thio bantuk in a thianghlim mi politics tuah khawh zuam hna usih. 2020 thimnak he pehtlai in Vice President Pu Henry Van Thio zong Zahnak tlang khuakip ah October 30-31 tiang zan khat riak in a um kalnak ah khuami lungput zoh tik ah lung ahmui ngai ngai. Khua kip nih hlunghlai taktak in an don, an zoh khenh. Khuakip mizapi he tonnak ah mizapi hrimhrim nih a bia ngaih an duh. ngakchia in tar tiang nih a bia ngaih ding in an telpi.

Thil sining diktak a chimh hna tik ah mipi zong nih an I lunghmuih khun. Vice President Pu Henry Van Thio zong mipi nih bia halnak an tuah ve. Party soiselnak le midang soisel lo tein lehnak a tuah hna. Zanhnak tlang khua cheu khat ah Party dang tampi nih thil si lo ningin le Vice President Van Thio pumpak soiselnak hmang in ramkheel an raktuah mi zong tampi a um.

Asinain Van Preisdent Van Thio cu thianghlim tein politics tuah a duh mi le aa zuam mi a si caah Party dang soiselnak le pumpak soiselnak ka khat hmanh hmang lo tein a chimrel tik ah mipi nih an i lunghmuih khun. Miphun le ram kan dawt ruang ah midang soisel le lih in mipi sin ah vote a kawl mi an tam. fiang te chim ko ning law,

Party dang le candidates dang nih NLD kong le Vice President kong hi a si lo ningin politics an tuahnak zong tampi kan i ton. Lih in politics a tuah mi cu khua le ram, peng le tlang caah ral ngan taktak a si. Mipi tampi nih biadik le thildik an theih cang caah mipi zong nih Vice President le NLD cungah zumhnak nganpi an ngei. cu nih a langhter mi cu dinnak lwng nih teinak a hmuh tihi a si. By Rolian

Be the first to comment

Leave a Reply

Your email address will not be published.


*