SALAI PAHNIH RALKAP NIH TLEIH AN TIMH CAAH AN I THUP, AN BIACHIM UAR A UM BAK

Chin mino pahnih cu uar an um ko. An biachimmi hrimhrim lung ahmui kho tuk. Biatak tein cawlcanghnak atuahmi Chin pasaltha pahnih Salai Ngun San Aung le Salai Elishama cu tleih dingin nawlngeitu hna nih thanhnak an tuah caah an i thup. Salai Ngun San Aung nih a chimmi cu Na ap lai maw an ka ti. Kai ap lai lo, pasal tiah ka ti i, ka zam tiah The Chin Journal thawngzamhnak ah a chim.

Culawng siloin Salai Elishama zong nih a chim vemi cu tlaih kan ttih ruangah a si lo. Atu hi cu a tuan deuh kan ti caah kan i thuhnak hi asi ko tiah a chim ve. Anmah pahnih hi tulio Laitlang ahcun biatak tein a cawlcangmi an si tiah theih asi. Hi konghe pehtlaiin The Chin Journal nih alanghterning cu hitihin a si. Hakha Mino Hruaitu Salai Ngun San Aung le Salai Elishama Tlaih Ding in Ca Chuah. Hakha mino hruaitu upa le ralkap uknak duhlo lamzawhnak ah an hruaitu bik a simi hna,

Salai Ngun San Aung le Salai Elishama cu tlaih ding in nawlngeitu lei nih ca (Warrant) an chuah caah an zaam chung tiah thawng kan theih.Salai Ngun San Aung nih, Na ap lai maw an ka ti. Ap hlah, pasal ka ti i ka zaam,” tiah The Chin Journal ah a chim. Salai Elishama zong nih, Tlaih kan ttih ruang ah a si lo. A tuan deuh kan ti caah chikhat kan i thup ta lai, tiah a chim. Credit: The Chin Journal

Rak share cio uh. Tuzaan Liatlanglei a cawlcangmi hna biathli, Laitlang Civil Disobedient Movement (CDM) a join tharmi he tonbiaruah nak’h an chimmi cu, CMD (rian/zung kal lo, tuan lo bak lo!!!) movement kan rak join nak a ruangcu ramdang um kan chung le nih zung rak kai halh uh! Rian i phuak uh!! CDM rak tuah uh!!! an kan ti ca’h kan join ve tiah an ti. Cu ca’h US le ramdang um Laimi vialte nih fak deuh in chim rih a hau, tiah an ti.

Ramdang um Laimi vialte nih nan chungkhat, nan theihhngalh, nan inn pa, zung a kai i rian a ttuan rih komi an um ah cun tuanlo ding in rak chawn dih hna seh law.. kan dohmi ralkap uk nak cu kan tei ko hna an tiah an ti…. [ Bank le cozah zung rian tuan vial te. Aa-khun (IRS), mee-tat (fire department), Si-pin (Municiple), Lah-Wah-Kah (Immigartion), cintlak (seih-pyo-zi) (Argiculture), tbk..]Ramdang um pastor pawl zong nih Laile pastor tenih CDM movement fak deuh in an aupi ngam venak hna thla rak cam piak hna seh tiah an ti.

Civil Disobedience Movement cu zung kai lo, rian tuan lo a hau. Chuncheu kal zong a ngah lo. chikhat kal ta zong a ngah lo. Rian ttuan tu um lo, rian aa tuan khawh lo ah cun meithal tleih in uknak thudan ah hramhram in a thumi zong an um har lai i an thudan an kal tak ko lai. CDM cu kan hriamnam thabik asi ca’h thazaang pek le forhfial kan zuampiak ko uh tiah Laitlang lei a cawlcangmi nih biathli an kan chimh.CivilDisobedienceMovement, RejectMilitaryCoup. (Khah rak share cio uh…) Credit: RPM

Thlacam Sawm Thawngthanhnak. Atu lio kan ram kong he pehtlai in Martar Ministry thlacamnak (Saya Tluang Lian te thlacamnak) ah cikcin in, chun he zaan he thlacamnak kan ngei cuahmah. Hakha um zumtu vialte rak cam cio ve ding in kan in sawm hna.Atu lio caan hi ram ca ah thlacam lo in um sawhsawh caan a si lo. Mah pumpaak rian kaltaak chung cio in, faakpi in BAWIPA bawmh hal cio ding caan a si. BAWIPA kan PATHIAN hi ram mipi hna sin ah a tan lio a si.

Chin Miphun Ni thlacam sawmnak. A ra lai mi February 18, 19 le 20 ni hna ah, chun suimilaam 12:00 tiang lengmang, ti din lo le rawl ei lo in kan ram ca thlacam cio ding in ramchung ram leeng zumtu vialte thawng kan thanh hna. Chun 12:00 tiang cu dawr zong khar cio ding in kan sawm hna. Mahle umnak le siaremnak cio ah thlacam cio a si lai. Chin Miphun Ni thlacam nakding a hmun cu kan rak thanh than te lai. (Evan Tluang Lian, Martar).

Be the first to comment

Leave a Reply

Your email address will not be published.


*