SALAI NIH TUCHUN AH ZA CUNG A VOTE MI CU MIHRUT LAWNG AN SI LAI TIAH A CHIM

Tuchun Salai Lung Thli Tum biachim cu uar a um tuk hringhran ko. Angaimi tampi kan um cio hna lai. Hlonh awk tlak hrimhrim a um lo. A chimmi vialte a dih lak in an hmantuk hringhran. Tuchun a chimmi chungah pakhat a chimchih mi cu Za Cung kong hi asi. Za Cung kong a chimmi hrimhrim a ralttha bak timi hmuh khawh asi.

Tutan thimnak zongah mipi nih thim in tlin sehlaw Eihmuar hmang ning canglo in rian a ttuantu pawl cu a zoh sawh hrimhrim hna lai lo timi theih khawh asi. Zeicaah tiah a liamcia caan in atuahsernak vialte zoh in hmuh le theih khawh asi. Salai Lung Thli Tum hi miral ttha taktak pakhat cu asi. Chinram Laitlang ah ningcang loin rian attuanmi an konglam a phuanmi an tam cang.

Laitlang chungah ningcang loin rian ttuan timi hi tampi a um tawn lengmang asinain ahodah a ei hmuar i, ning cang loin rian attuanmi cu a si timi mipi theih in a phuang ngammi an um tawn lo. Tuchun ah Salai Lung Thli Tum nih a chimmi cu, Za Cung hi atling naisai lai lo. Za Cung a vote mi cu mihrut lawng an si lai. Mifim nih cun an vote lo hrimhrim lai tiah a chim.

Za Cung nih khuate a tlawnnak ah Lung Thli Tum or Independent nih cun zeidah an tuah khawh lai? Tiah a phunphun a rak chim. Za Cung khah hi bantuk biachim hi rak hrial cang, na hrial lo ahcun independent nih zeithil dah an tuah khawh timi hi na theih lai tiah ka ti. I thuat cio ding asi ko cuh tiah aka ti. Za Cung cu ka vun tthuat taktak cu a hmai zong asen dih ko khah.

Za Cung nih lam a cawh ciammam cu, Lam a cawhmi hi minung or motor kalnak lam cu a sinain Cakei hmanh kal sehlaw voihra cu ai teng ko lai. Lam zong a silo. Keimah cakei timi a uar ngaingai mi ka si i, cakei atimi zong ka si i, ka vakal ciammam cu ceilak Za Cung lamcawhnak ah kai teng tiah a chim. Hibantuk thil hi ningcang lo rianttuan cu asi cuh tiah a chim chih.

A thaizing ka va kal cu, khah zeidah a lawh ka biachimmi kha a thlum tuk maw akhaa tuk maw tiah ka ti i, a hmai zong sen dih mitaunak zong a thei lo tiah tuchun ah a chim tthan. Salai Lung Thli Tum cu tuchun ah Thantlang Lungtialsang ah biachimnak angei i, a chuak khomi minung zong an tam ngaingai tiah theih asi.

Be the first to comment

Leave a Reply

Your email address will not be published.


*