SALAI NGUN SAN AUNG NIH FIANTERNAK A TUAH CANG

CNLD-Thantlang Party Reform Tuahnak ah Salai Ngun San Aung Aa Tel Timi kong Fianternak.Tu lio zatlang bu le social media cungah ceih a tong ngaimi CNLD-Thantlang party chairman le chungtuan rian phuahnak le Executive Committee thar sernak (Party EC reform) tuahnak ah ka min telh ve a simi le The Chinland Post min zong telh chih a si caah fianternak ka hun tuah.

Defesive strategy in lentecelh hi ka huam setmi asilo caah fianternak tuah tibantuk hi ka uarmi cu a si lemlo nain The Chinland Post min zong telh chih a hun si caah fianternak tuah lo awk a tha lo tiah ka hmuh i ka hun tial nak a si.Keimah cu 2015 in 2018 tiang Fidi Foundation tangah a ummi The Chinland Post Media ah Reporter in kaa thawk i Editor in Charge tiang a tuanmi ka si.

Cu rian ka tuan pah cun Kalay University ah History major in University Distance Education (A way tin) in ka kai i 2019 ah a chungin Qualify ka kai hnu ah 2020 in Yangon University ah Master ka kai lio a si. Cucaah phungning tein 2019 hnu in The Chinland Post ah zung riantuan (Staff) ka si tilo i online in biaruahnak an tuah caan ah moderator dirhmun in rak kan bawm an ka ti caan ah ka bawmh hna dah tilo ka catial mi ka biachim mi ka tuahmi paoh hi The Chinland Post ai ka awh tilo timi zong zapi sinah theihter kan duh hna.

Cun The Chinland Post i CEO a simi Salai Mang Hre Lian cu CNLD nih Hakha-Thantlang ah Campaign Specialist in an auh caah The Chinland Post in rian aa dinhnak fiangfai tein zapi sinah an rak thanh cang. Cun Salai Mang Hre Lian hi CNLD Party member le committee a silo i campaign specialist ah thlahlawh pek in an hlanmi a si ti zong theihter chih kan duh hna.July 13 ah Salai Mang Hre Lian nih Thantlang ah kal ding ka si keimah lawng ka si caah ka zul ngat tiah hawikom sinak in a ka sawm.

Cucaah zei a tuah ding zong ka hngalh lo buin ka zulhmi a si. Salai Mang Hre Lian cu Thailand Mahidol University i Master a kainak in a rak tlun ka a si i kan itong kho bal rih lo caah bianuam ruah pah in ka zulhmi a si. Kei cu party chungtel zong ka si ve lo caah le CNLD staff zong ka si lo caah a tuahmi dingmi thil a chungthil zeihmanh ka theihpi lo.

Kan kalti caah an tuahmi ka hngalh tawk ka tial lai. July 16 ah CNLD Central in upa pahnih rat i CNLD-Thantlang EC thar ser ding timhtuahnak an ngeih caah cucu khuazei ah meeting kan tuah lai, Meeting tah ho pawl dah kan sawm hna lai ti bantuk kha an ceihmi cu a si. Cucaah CNLD-Thantlang EC thar ser a si rih lo ti zong kha theihter kan duh hna. Cun Pi Chin Chin Pekthang MP caah an fehter an timi kong ah ka theih tawk ka tial lai.

CNLD Central nih CNLD Thantlang Chairman le Secretary cu an phuah cang hna caah Candidate Pu Lal Maung Cung airawl kha minung thar thim a herh. Cucaah Thantlang upa cheukhat nih Pi Chin Chin Pekthang kha kan dir piak ko tiah an fial i cucu a cohlan ve hna caah a cohlan hna nak kong amah pumpak facebook in an ka sawmnak ka cohlan tiah a tarmi a si. EC nih siseh CEC nih siseh an ka fehter tiah a tialmi zong nan hmu lai lo i CNLD zong nih Chin Chin Pekthang cu kan party Candidate ah kan fehter an tinak zong nan hmu lai lo.

July 16 ah CEC thlahmi upa hruainak in Thantlang EC thar an ser lai i Candidate zong EC level ah fehternak an tuah lai. Cu hnu ah CEC nih an zohfel lai i an lungtlin ahcun an fehter te lai.Cucaah keimah hi The Chinland Post ah rian a tuanmi ka si tilo caah ka tuahmi thil, ka chimmi bia le ka tialmi ca nih The Chinland Post he zeihmanh pehtlaihnak a ngei ti lo ti zong zapi sinah kan thanh hna. Catialtu Salai Ngun San Aung