Salai Lung Thli Tum Nih Mara Ram Caah A Tuahmi Thil Hi Zoh Ve

Hi Ca hi Salai Lung Thli Tum Nih A Mah face book ah a tial mi si, kan thei cio bangin salai hi mi bomh chanh lei ah cun a zuam kho peng mi pakhat si a tu zong Thantlang peng ah MP A cuh lio cuah mah mi pakhat si vote cio hna uh sih.

 

MP ka tling rih lo, nain Mara ram caah motor lampi le hlei a herh tuk tiah Facebook te hmang in kan hnu zarh ah biatak tein ka aupi—VP Vanthio, Hluttaw Speaker le vuanci tiang ca ka kuat hna.

Tuhi zarh hnih lawng a si rih, zahan ah Mara ram lampi le hlei caah cozah phaisa ting thonghra deng a tla ko. Lawmh a um tuk. Mah hi keimah thil ti khawhnak a si lo, cozah nih a tuan hnga ding tlai deuh tu ah a rak tuanmi a si ko. Kei cu warning a petu menmen ka si.Mah a cung bang khin a rian tuan mi cu a lang ko hih.

Rechap Salai nih tuan deyh ah a rak tial mi,Miphun a dawmi Lai mino tampi nih ‘miphun kan dawt’ an ti caah CNLD an tanpi, nain CNLD hruaitu nih anmah pumpak le an party hlawknak caah miphun min zuar in an hlen hna i an thluak an tawl hna timi belte an i fiang lo. Hiti kan Lai mino tampi hlen an fawi hi a poi tuk ka ti.

CNLD nih teinak hmuh sual hna sehlaw an chairman Nothankap khi ‘Chief Minister’ caah an party nih an chuahpi te kho, cubantuk caan ah CNLD MP poah nih an party zulhphung ning in an hotu Nothankap vote an pek te lai. Cutik lawng ah ‘CNLD vote ka pekmi kha indirect in Nothankap pei vote ka pek ko kha’ timi nai fiang te lai, i chir man a ngei ti lai lo.

Bahu cozah sernak ah CNLD le USDP an tanti sual ahcun ‘CNLD mee ka pekmi kha indirect in ralkap party USDP vote ka pek pei si hoi ne hi’ tiah na zai len te lai, i chir man ngei hoi te lai lo.

 

Be the first to comment

Leave a Reply

Your email address will not be published.


*