SALAI CUNGTE NIH A THIH LAI TE AH APA SIN AH BIA A CHIM

Kawlralkap nih sualnak ngeilo tuchun Kalaymyo ah an kah thah mi Laipa Salai Cung Lian Ceu nih a thih lai te, a hnu bik hringtu apa sin ah bia a chimmi cu celh ding asi lo. Lung a fak hringhran ko, a zeiti in dawmhchanh awk nih le attha ttung lo. Ruah lengmang tikah thinlung nih a celh hrimhrim lo. Athih lai te ah a fahnak kong cu hringtu apa sin ah a chim.

May be an image of 1 person, outdoors and text

Tuchun Kalaymyo lamzawhnak ah kawlralkap le palek nih zeisualnak ngeilo kan laipa Salai Cung Lian Ceu nih meithal in an kah hnu ah a nunnak aliam. Salai Cung Lian Ceu hi sualnak pakhat hmanh angeimi asi lo. Motor cycle aa cit lio ah Kawlralkap hna nih an kah thah mi asi. Tutan ah a nunnak aliamnak hi a nau nu chanh ding le kham dingin akalnak ah hin a si.

May be an image of 1 person

Salai Cung Lian Ceu nih a nunnak thaw a dih lai te ah hringtu a pa sin ah a chimmi cu kapa aw ka paw a fak tuk ee tiah a chim. Salai Cung Lian Ceu hi an chungkhar ah upa bik a si i, a dawttuk mi a nau zawn a ruahtuk nak in atubantuk in kawlralkap ralhrang hna nih kahnak in a nunnak aliam hi a si. Salai Cung Lian Ceu ruak cu Thaizing suimilam pahra ah an vui lai.

Zeihmanh sualnak angeilo mi kan thisa khat a simi a nunnak a liam hi cu tuar a har hringhran ko. Kan naupa ruak vui ni le caan ah kanmah kan umnak hmun cio in siseh a hmun le hma a ummi hna nih kan si khawh chungin tuarpinak langhter cio hna usih. Ram le miphun caah a nunnak aliammi pasalttha Salai Cung Lian Ceu nih akaltakmi a chungkhar hna cah thlacamnak in bawm cio hna usih. Credit: ZCE

Relchih:Tuchun Kalaymyo ah lamzawhtu hna Kawlralkap le palek nih an kah thahmi hna chungah kanmah Chinmi minung pathum an i tel. Tuchun ah kawlralkap le palek nih an kah thah mi hna cu Salai Cung Lian Ceu le Pu Cin Khanh Mang le Salai Do Suan Kim an si. An pathum ning in kanmah Chinmi lawngte an si hna tiah thawngzamhnak nih alanghter.

Tuchun Kalaymyo ah Ralkap le palek nih an kahthah mi Salai Cung Lian Ceu cu kum 25 te lawng a si rih. Amah hi Kalaymyo, Taungphila sang ah a ummi an si. Cun Salai Do Suan Kim hi Tedim peng Tezang khuami a si. Cun Pu Cin Khanh Mang zong Khaikam khua ah chungkhar he khua asami an si i, amah hi fa pathum angeimi asi.

Nihin Kalaymyo ah Chinmi 3 an Nunnak a Liam. Nihin Kalaymyo ralkap uknak duhlo lamzawhnak ah Chinmi 3 nih an nunnak an pek, tiah kan theih. A nunnak a liammi hna cu: 1. Salai Cung Lian Ceu (kum 25), 2. Pu Cin Khanh Mang (kum 27), 3. Salai Do Suan Kim (kum 20), hna hi an si. Salai Cung Lian Sang hi Kalaymyo, Taungphila sang ah ah khua a sami a si. Pu Cin Khanh Mang hi fa pathum a ngeimi a si i, Khaikam khua ah chungkhar he khua a sami a si. Salai Do Suan Kim hi Tedim peng, Tezang khuami a si. Credit: The Chin Journal

Be the first to comment

Leave a Reply

Your email address will not be published.


*