SALAI A CELH BAK VE LO MIPI SIN AH FIANTERNAK ATUAH VE CANG

Salai Lung Thli Tum zong tutan konglam ahcun aa sum kho ve hrimhrim ti lo. Fiang tein mipi sin ah fianternak atuah ve. Salai Lung Thli Tum hi a mawh ve hrimhrim lo. Mipi sin ah fianternak atuah hrimhrim ahau ve mi asi. Salai Lung Thli Tum cu tulio caan Laimi minung pakhat nih ning cang lo ngaiin a konglam a phor zarh.

Culawng siloin a phozar ning hi phun dang ngaingai khi a si. Amah Salai Lung Thli Tum facebook id aa tuah i, cabia ning cang loin a ttial. Hihi tthenkhat nih cun id lem siloin Salai Lung Thli Tum cabia kha amah nih edit tuah chom in ningcang loin a tar tiah a timi zong an um rih. Tutan ah Salai Lung Thli Tum hnursuan in cabia atuahmi hi mi zei asi timi theih a si rih lo.

Sihmanhsehlaw a rauh hlan ah theih colh a si lai tiah an ruah. Salai Lung Thli Tum min deu a hmang mi nih cabia a ttialmi cu tulio Laimi social Media ah a hung lar ngaingai. Thenkhat nih Salai Lung Thli Tum a si ko ruah tiah a ruat mi an um i, tthenkhat tu nih cun Lih le hrokhrawl a si kha an i fiang. Salai Men deu nih cabia pahnih atang lei bantuk in a ttial.

Salai Lung Thli Tum min deu nih a ttialmi cu hitihin asi. Nai hrawng khuate ka tlawn cu mi ka bawm ngai ka ti nain Vok an ka thah el lo ee tiah cabia pakhat atar. Culawng si rih lo in pakhat a ttial tthan rih mi cu Ka hei i cuh sawh le si. KA sung ko lai. Nain NLD zong an sung ve ko lai tiah Salai min hmang in cabia taar.

Hi cabia konghe pehtlaiin Salai Lung Thli Tum taktak a simi Laimi pasalttha pakhat nih mi zapi sin ah fianternak atuah. Salai Lung THli Tum nih a timi cu Hiti hin a ka rem lomi cheukhat nih computer hmang in lih an tuah i facebook ah an thlah. Thluak ngeilo vei pawl nih cun an hei zumh ngai ko hna tiah mipi sin ah fianternak atuah.

Be the first to comment

Leave a Reply

Your email address will not be published.


*