RUAHNAK PICAL CABIA CU AREL HRIMHRIM A NUAM TUK

Nihin a cang mi hi thaizing caah kan tuanbia a si than lai caah kai save ve rih lai. Hibantuk thil hi cu mipi hmai lang lo tein Miphun party nih rak tawlrel kho sehlaw tha tuk hnga. A tawlrel kho le a lungsau mi Hruaitu zong kan si a herh.Thim laiah buainak chuahter ngamtiang dirhmun kan phak hi miphun dawtnak kan ti mi a muru takak kan kilven khawh lo le lungsau lo a si ko tiin ka hmuh.

CBT zong a palhnak um kho. Nain tutiang thawngpang ri in kan zoh asi ahcun TT CNLD cathanhnak chungah statment a pical lo mi bia a um. Tam kan chim duh lem lai lo.Cun Miphun party chungin Upa bia ah bia dawhcah lo taktak Zuding pa i ti hi CNLD dignity pi kilven lo le Miphun dirhkamhnak tlinglo ah ka ruah.TT CNLD dirhmun pumpak dirhmun defend nak men lawng asi. Quality thatha kan ngei ko lai.

Kan fimnak lawng si loin kan behaviour hrim in Miphun aiawhtu asi mi hruaitu nihcun miphun kan kilkamh a herh. Chimduh mi cu upa sawhsawh hmanh nih cubantuk bia cu chimrel dingah kan i thlachiat tawn mi bia asi. Hruaitu tha nihcun buainak hi a handle zia an thiam i an thin an thumh deuhdeuh. An quality thatha an chuah chinchin. Buainak le thil har nih Hruaitu puitling sinak an quality a langhter deuh tawn.

A tlaungtlam mi kong ahcun hopoah nih handle khawh dih asi. Party ciocio lakah Miphun party ko nih hibantuk kongah i kilven a herh khun fawn.Tinhmi cungah thil tha kan duh dih. Nain a dik mi taktak thil tha a chuah pitu cu a dikmi ruahnak le khuakhannak cungah exactly right biachahnak peng hi asi.

( The difference between success and failure is the difference between doing exactly right and almost right ti hi asi.) Almost right hi exactly right ah kan ruah sual tawn tawn tikah buainak le hlawhtlinlonak failure cu a chuah ter tawn i exactly right nihin success taktak cu a chuahter tawn. Zeidah exactly right cu a si te lai timi a lang te ko lai.

Miphun party nih hibantuk kan tawn lengmang mi hi hruaitu chung lila ah miphun dawtnak tling taktak kan ngei hna maw ti hi ruah loawk a tha tawn lo. Hmailei ahcun a fit milawng si loin behaviour lei zongin miphun kilkamh khotu zong zoh chih thiam kan herh ngaingai lai. Hi kongah kan lung tha cio lo.By Al Bik Lian Zathang

Relchih:CNLD Thantlang Caan karlak Tawlrelbu sinin Mizapi nawlnak le theihternak. Ahmasa bik ah Chin National League for Democracy (CNLD), Thantlang Peng kan konglam kong i mizapi lungtha loin kan in umtermi cungah CNLD Thantlang, Caan karlak tawlrelbu nih toidonak he kan in nawl hna.

Hakha Thantlang peng CNLD nih phungning tein a ralaimi 2020 thimnak ah Campaign Specialist in ttuanvo pekmi Salai Mang Hre Lian telpi nakin CNLD Thantlang, Caankarlak Tawlrebu kan dirh. Caan karlak Tawrelbu nih July 13 tonbiaruahnak kan ngeih hnu ah a tanglei bantuk in mizapi sinah nawlnak le thil sining theihternak kan in tuah hna.

Pakhatnak, CNLD CEC nih July 11, 2020 ah nawlthanhnak ca No. 02/2020 in a chuahmi cu Thantlang CNLD Caankarlak Tawlrelbu nih kan cohlan. Pahnihnak, CNLD, Thantlang Peng in EC Tuanvo ngeitu Pu Lal Maung Cung (Chairman) le Pu Tum Sang (Secretary) CEC nih an phuahmi hna cungah kan lung a tha lo.

Kum (10) renglo Chin miphun le ram caah tiin CNP, CNDP in CNLD dirh a si tiang an cawlcanghnak le rian an ttuannak cungah upatnak kan pek hna. Pathumnak, Thantlang CNLD Caankarlak Tawlrelbu nih a rauh hlan ah CEC tlangtlaknak in CNLD Thantlang Peng EC Kan dirh tthan lai i a ralaimi 2020 thimnak ah MP aa cuhding candidate thanhnak kan tuah colh lai.

Palinak. CNLD cu miphun caah mumai, phungphai he rian a ttuanmi kan si caah CNLD kan phunghram ning tein a um ciami Thantlang EC dihlak itel khawhnak a lam kawl in hmainawr le tuanchuah kan i zuam lai. Panganak, Nihin kan dirhmun cu miphun caah lungrual tein karhlan caan asi bantuk in pumpak kong hnuchit tak in miphun le ram caah papek in rianttuantti cio dingah upatnak he kan in sawm hna.

Paruknak, Thantlang Peng CNLD rianttuannak chungah itheihthiam lonak le mizapi lung kan in nuamter lomi hna cungah CHin ram le CHin miphun a dawtu dhlak nih a ruahzia nan kan thiam nak lai Bawi Khrih min in kan in nawl hna. Pasarihnak. Chin miphun le ra a daw i CNLD a kan tan tanpi zungzaltu nan dihlak cungah tampi kan lung ai lawm.

CNLD cu Chin miphun le Chin ram pakhatnak ah a chia zungzaltu asi bantuk in Chin mipi hmaizahnak he mizapi duhning in riantuan kan i zuam zungzal lai tiah upat he thawng kan in thanh hna. Pu Siang Cung Bik, EC Chungtel, CNLD Thantlang (Chairman hlun 2010-2015), Pu Thawng Hnin EC Chungtel, CNLD Thantlang (Vice Chairman Hlun 2010-2015)