RONALDO LE MESSI NAK IN A THIAM DEUH MI LAIPA A UM. VIDEO

Laimi hi kan rak men hrimhrim lo, Dr Hre Mang biachimmi kha a hmantuk mi asi. Dr Hre Mang nih a rak chimmi cu, Laimi hi miphun dang sin ah kan chanbaunak a um lo. Nu hrin thluak siseh mui le sam zong ah miphun dang sin ah ningzak kan si lo. Kan i zuam ahcun miphun dang zong kan tei ko hna, kanmah nih in zeihmanh an rak si hlei lo tiah a rak timi kha a hman taktak mi asi.

Tulio vawlei cungah alaar bik mi cu Ronaldo le Messi hi an si. Anmah pahnih hi zapi nih theih cio bangin tulio vawlei cung bawlung chuih ahcun minthang bik le mipi uar bik mi an si. Hi hna pahnih kongah hin Laimi tampi zong kan ruahnak aidang cio hna. Tthenkhat Cristiano Ronaldo a thiam deuh tiah kan ti. Tthenkhat cu Lionel Messi a thiam deuh tiah kan ti ve.

Kanmah Chinmi or Laimi lawng siloin vawlei cung minung vialte zong nih biatak tein an i el lenmi asi. Hi hna pahnih kong i elnak ah Laimi zong aa velmi an um cang. Anmah pahnih konglam cu chim caih zongah a dai kho dingmi thil a si lo. Sihmanhsehlaw Messi le Ronaldo nih an tuah khawh mi pahrang vialte cu kanmah Laipa bak nih a tuah khawh ko cang.

Video a zoh cang mi zong kan um kho men, cun a zoh lomi zong kan um khawh caah video tiangin kan vun langhter chih. Amah hi Laimi chungah cun aturu bik a si ko lai ti usih law kan palh tuk theng lai lo. Mino te lawng asi rih. Hmailei ahcun Laimi Chinmi hmai ahngaltertu a si te lai timi hi hmuh khawh asi. Amah hi Khuathar Foundation team ah a ummi asi.

Amin ah Lai Kulh tiah an timi asi. Tutan ah a thiamnak vun zoh tik ah vawlei cung bawlung a chuihmi tampi nih an thiam or an tlin bak lomi asi. Sihmanhsehlaw kanmah Laipa Laikulh nih cun fawi taktak in a tuah khawh dih. Uar hrimhrim a um tuk. Kanmah Laimi asi ruangah kan fak ding asi lo. Sihmanhsehlaw Laipa asi lo zongah a thiamnak vun hmuh ahcun fak lo awk hrimhrim a ttha lo.

Kanmah Laimi chungin hitluk tiang Skill angeimi hi cu dirkamh phu taktak mi an si. Acung kan chimcia bangin Messi le Ronaldo nak in kanmah Laipa hi a thiam deuh ko. Athiam deuh kan vun titik ah phundang in aruatmi zong kan um kho men, asinain khuaruahhar dingmi asi lo. Aruang cu Skill ah Messi le Ronaldo a tluk dih ko hna. Cucaah Messi le Ronaldo nak in a thiam deuh kan tinak asi.

A sining a thiamnak hi hmur le ka siseh cabia holh nih a tlinh hrimhrim lo. Athiamtuk ti hi asi ko. Miphun dang vanhailo khi asi. Zeitluk indah a thiam timi cu nangmah tein vun zoh cio hmanh uh, na uar hrimhrim ko lai. Laimi chungah hi bantuk thiamnak angeimi hi kut dong sawh khim hmanh an um tawn lo. Laikulh nih athiamnak a vun hmuhsak mi zoh khawh asi. Video cu hika hi voikhat hmat law na zoh khawh lai

Be the first to comment

Leave a Reply

Your email address will not be published.


*