RIP. YANGON AH KAN LAI NU NIH MUAL AA KAN LIAM TAAK

Yangon ah Pi Sui Zi COVID-19 in a Nunnak a Liam.Yangon ramtthen, Shwe Pyi Tha khua ah chungkhar he khua a sami Pi Sui Zi (kum 44) cu nihin July 10 ah COVID-19 in a nunnak a liam, tiah kan theih. Pi Sui Zi hi Lailenpi khuami a si i, a vapa he Shwe Pyi Tha ah mission rianttuan in khua a sami an si. Kum 13 le kum 15 a simi fanu pahnih an ngei.

Oxygen an pek ko nain a pum thazaang nih a chei ti lo caah a nunnak a liam,” tiah Shwe Pyi Tha khuasa Laimi pakhat nih The Chin Journal ah a chim. Pi Sui Zi a vapa zong COVID-19 in a zaw ve i, inn an thlopbul cuahmah lio a si. Credit: The Chin Journal.

May be an image of 1 person and standing

Thawngpang Dang:KIA Le PDF Fonh Ralkap Nih Nili Chungah Ralhrang 180 An Thah Hna. Kata Ah KIA Le PDF Fonh In Kahdohnak Ni 4 Chungah Ralhrang Lei In ralbawi Tel In Minung 180 Nak Tlawnlo An Nunnak A Liam. Sagaing ramthen, Kata peng ah KIA le mipi vengtu ralkap PDF hna hmunkhat ah fonh in ni 4 chung kahdohnak ah ralhrang lei ralbawi tel in minung 180 an nunnak a liam tiah Sagaing PDF nih nihin ah phungning ten cathanh an chuah.

Kata peng mipi vengtu phu KIA brigade 8,Batalian 5 hruainak in ralhrang phu si mi tatmah 88,Kata tatyin 204 le 304 le 309 phu hna he Myohlah khua pawng ah kahdohnak a chuak. July 5 zaan suimilam 9 hrawngah PDF le KIA nih an chiah mi bomb pahnih an i puahhnawh i rallokap lei in minung 10 nak tlawnlo an thi.

July 6 zing suimilam 8 hrawng ah rallokap phu minung 100 citmi tilawng pathum cu KIA le PDF nih RPG in voitam pi an kah hnu hna ah tilawng pahnih cu a rawk i rallokap lei in minung 60 nak tlawn lo an thi, tilawng pakhat cu a luat tiah theih a si.July 7 zaan suimilam 10 hrawngah rallokap phu in ralbawi hruainak in an hmunhma chung ven nak caah an chiah mi bomh 4 cu a puah caah ralbawi telin rallokap phu minung 30 nak tlawnlo an thi.

July 9 ah Myohlah khua ah ralhrang rallokap nih vanlawng 4 in an kah hna caah fakngai in kahdohnak a chuak , rallokap lei in minung 50 nak tlawm lo an thi, minung 70 nak tlawm lo hliam an tuar , PDF lei in minung 3 an nunnak a liam, minung 3 hi pehtlai khawh an si lo tiah cathanh an chuah. July 9 zaanlei ah Kata tatyin 309 in Myohlah ah bawmtu ra mi,

Double Cub 1 le ke 6 ngei mawtaw 1 cu Pawmamyine (ပေါမမြိုင်) khua le Kata Cargate kar ah KPDF le KIA hmunkhat ah i fonh in kahdohnak ah rallokap lei in minung 30 nak tlawm lo an thi than. Ralhrang phu hna cu မိုးတားကြီးအုပ်စု၊ မိုးတားလေးအုပ်စု၊ အုပ်ချေ၊ မြို့လှ၊ မှတ်တိုင်၊ နမ့်စန်း၊ ဆူးပုတ်ကုန်းရွာ pawngkam ah an chungtel ralhrang hna ruak cu vawlei co in an phum hna, hliamtuar mi hna zong tilawng in an thiar hna tiah theih a si. TCP

Be the first to comment

Leave a Reply

Your email address will not be published.


*